Taian Areru
Te kaetieti nakon te mataniwi n te anene. Ana anene Tawita.
64 Ongo bwanaau ngkoe ae te Atua, ngkai I bubutii.+
Kawakina maiuu man ana bwai ae kakamaaku te tia kairiribai.
2 Otanganai man aia babaire aika raba mwaane aika buakaka,+
Ao mairouia te koraki aika bati aika kakaraoa ae bure.
3 A taimi neweia n aron te kabaang,
Ao a mamaaire n aia taeka aika kammaraki n ai aroni kanoani kainikatebe,
4 Bwa a na katebea te aomata ae akea ana bure, man aia tabo ni karaba,
Ao a waekoa ni katebea n akea maakuia.
5 A kamatoai nanoia ni kani karaoa ae buakaka,*
Ao a maroroakina aroni karabaan aia bwai ni kamwane.
A taku: “Antai ae e na nori?”+
6 A ukeri aanga aika boou ibukini karaoan ae bure,
A karaba ni karioi aia babaire aika kamwamwane,+
Ao akea ae e kona n ataa ae e iangoia temanna i nanona.
7 Ma e na katebeia te Atua,+
Ao a na rina n ikoaki ni kanoan te kainikatebe.
8 E na kabwakaia oin neweia.+
Ao a na bane n ioioi atuia akana mataku.
9 Ao a na bane ni maaku aomata,
Ao a na tataekina te bwai ae e a tia ni karaoia te Atua,
Ao a na ota n ana mwakuri nako.+