Taian Areru
Te kaetieti nakon te mataniwi n te anene. Ana anene Tawita.
31 Boni ngkoe Iehova ae I kamanoai iroum.+
I bia aki kamaamaeaki n aki toki.+
Kamaiuai ibukin am raoiroi.+
2 Katanimaia* taningam nakoiu.
Bareiko ni kamaiuai.+
Riiki bwa au maunga ae te nono,
Ae te tabo ae nonoaki ibukini kamaiuau.+
3 Bwa bon au bwaa ngkoe ao au nono,+
Ko na kairirai+ ao ni kaetietai ibukin aram.+
4 Ko na kainaomataai man te karaun ae a karabaa ni kawenea imwaiu,+
Bwa bon au tabo ni kamaiu ngkoe.+
5 I mwiokoa taamneiu* i nanoni baim.+
Ko a manga kabooai ngkoe ae Iehova ae te Atua ae tataekina te koaua.*+
6 I ribaiia te koraki ake a taromaurii bouannanti aika akea manenaia,
Ma ngai, I bon onimakina Iehova.
7 E na bati kimwareireiu n am tangira ae koaua,*
Bwa ko a tia n nora karawawataau,+
Ao ko mutiakina rawawatau ae korakora.
8 Ko aki anga ngai nakon te tia kairiribai,
Ma ko kateai n te tabo ae mano raoi.*
9 Ko na akoai ngkoe ae Iehova, bwa kioina ngkai I rawawata.
A mamaara matau+ ao rabwatau ni kabane, ibukin te karawawataaki.+
E kekerikaaki korakorau ibukin au kairua
Ao a rikirake ni mamaara riiu.+
11 I kabuakakaaki irouia taani kakaitaraai ni kabane,+
Ai moarara riki kaain rarikiu.
Ao I kakamaakaki irouia raou.
Ngkana a norai i buakoia aomata ao a birinako mairou.+
12 I kaotinakoaki mai nanoia* ma ni mwanuokinaki, kaanga ai aron ae I a tia ni mate.
Titeboo ngai ma te kaatibu ae uruaki.
13 I ongo rongorongo aika buakaka aika mwaiti,
Ao e otabwaniniai te maakunrang.+
14 Ma I onimakiniko ngkoe ae Iehova.+
I taekina ae kangai: “Bon Atuau ngkoe.”+
15 A mena au bong* i nanoni baim.
Kamaiuai mai nanoni baia akana kairiribai nakoiu, ao mairouia akana bwainikirinai.+
16 Kaotaa ubum i aon am toro.+
Kamaiuai n am tangira ae koaua.*
17 I bia aki kamaamaeaki Iehova ngkana I weteiko.+
18 A bia aki kona n taetae wi aika kewekewe,+
Aika wi aika taetae ni kamoamoa n ekiianako te koraki aika raoiroi, ma te kainikatonga ao te aki karinerine.
19 Ai batira am raoiroi!+
20 Ko na karabaia n am tabo ae raba ae mena i matam,+
Man aia bwai ni kamwane aomata,
Ko na karabaia n am tabo ni katantan
21 E bia karaoiroaki Iehova,
Bwa e kaota ana tangira ae koaua* nakoiu+ n te aro ae kamimi, i nanon te kaawa ae otabwaniniaki.+
22 Ma ngai e nako nanou, ao I taku:
“N na mauna mai matam.”+
Ma ko ongo au onnon ni kani buokaki ngke I takaruaia nakoim.+
23 Tangira Iehova, ngkami ni kabane aika kam kakaonimaki ni koaua nakoina!+