Taian Areru
א [Areba]
E a kukurei te aomata ae maaka Iehova,+
ב [Beta]
Ae e kukukurei n ana tua nako.+
ג [Kimera]
2 A na mwaaka kanoana n te aonnaba.
ד [Tareta]
Ao e na kakabwaiaaki te roro ae raoiroi.+
ה [Ee]
3 E mena te kaubwai ma bwaikoraki n ana auti,
ו [Wau]
Ao e teimatoa n aki toki raoiroina.
ז [Taiin]
4 E ootanako n ai aron te oota n te rotongitong, nakoia akana raoiroi.+
ח [Eta]
E atataiaomata* ao e nanoanga+ ma n raoiroi.
ט [Teta]
5 E nakoraoi aron te mwaane ae tituaraoi* ni kakatangobwai.+
י [Iote]
E waakina ana mwakuri ma te kaetitaeka ae riai.
כ [Kabe]
6 E na aki kona ni kaingingaki.+
ל [Rame]
A na ururingaki n aki toki akana raoiroi.+
מ [Mem]
7 E na aki maakui rongorongo aika buakaka.+
נ [Nun]
E teimatoa nanona n onimakina Iehova.+
ס [Tameka]
N tokina ao e na kakatonga ngkai e tokanikai i aoia taani kakaitaraa.+
פ [Be]
9 E bati* n anganga, ao e anganga nakoia akana maiu ni kainnano.+
צ [Tiate]
E teimatoa ana raoiroi n aki toki.+
ק [Kobi]
E na karietataaki korakorana* ma te mimitong.
ר [Reti]
10 E na noria ane e buakaka ao e na maraki nanona.
ש [Tiin]
E na tenai bukini mwangaina ao e na maunanako.
ת [Tau]
A na maunanako bwaai aika a tatangiri aomata aika buakaka.+