Taian Areru
Ana areru Tawita.
138 N na karaoiroiko ma nanou ni kabane.+
N na anene n neboiko
I mataia atua riki tabeman.*
2 N na bobaraaki nakon am tembora ae tabu,*+
Ao N na karaoiroa aram+
Ibukin am tangira ae koaua* ao am kakaonimaki.
Bwa ko karietataa am taeka ao aram i aoni bwaai nako.*
4 A na bane uean aonnaba ni karaoiroiko, ngkoe ae Iehova,+
Bwa a na ongo am berita ake ko taekin.
5 A na anenei taekani kawain Iehova,
Bwa e korakora neboan Iehova.+
6 E ngae ngke e rietata Iehova, ma e noriia akana nanorinano,+
Ao e tii kinaia akana kainikatonga mai kiraroa.+
7 E ngae ngkana I nakonako i buakon te kabuanibwai, ma ko na kateimatoa maiuu,+
Ko arora baim n ekaanako unia akana kairiribai nakoiu,
E na kamaiuai baim ae ataim.
8 E na kakororaoi bwaai ni kabane Iehova ibukiu.