Taian Areru
Te kaetieti nakon te mataniwi n te anene, i aon te Tieminite.* Ana anene Tawita.
12 Kamaiuai ngkoe ae Iehova, bwa ai akea te aomata ae kakaonimaki ni koaua,
A a maunanako aomata aika kakaonimaki mai buakoia aomata.
2 A taekini keewe i marenaia,
A taetae ni karang ni wia* ma n taekin taeka ma naano* aika mwamwanaa te aba.+
3 E na koreinako wi ni kabane aika taetae ni karang Iehova
Ao te newe ae rangi ni kamoamoa,+
4 Te koraki ake a kangai: “Ti na tokanikai n newera.
Ti kabonganai wira n aron ae ti tangiria.
Antai ae e na riki bwa ara toka?”+
5 E taku Iehova: “Ibukina bwa a karawawataaki akana rawawata,
Ao ibukina bwa a ikenrawa akana maiu ni kainnano,+
Ao N na teirake ni waaki.
N na kamaiuia mairouia te koraki ake a kakanikoia.”*
6 A itiaki ana taeka Iehova,+
Kaanga ai aron te tirewa ae kaitiakaki raoi ni nnen te ai i aontano,* ae kaitiakaki itiua te tai.
7 Ko na kawakinia, ngkoe ae Iehova,+
Ko na kamanoia n tatabemania nako mairoun te roro aei n aki toki.
8 A ririaki aomata aika buakaka n akea tutukaia,
Ibukina bwa a kauekea te bae kammaira natiia aomata.+