Taian Areru

Te anene.

98 Anenea te kuna ae boou nakon Iehova,+

Bwa e karaoi baika kamimi.+

E karokoa te kakamaiu* baina ae te atai, anganibaina ae tabu.+

2 E kaota ana kakamaiu Iehova,+

E kaotiota raoiroina i mataia natannaomata.+

3 E ururinga ana tangira ae koaua* ao ana kakaonimaki nakoia tibun Iteraera.+

A nora te kakamaiu mairoun Atuara* kaain tabon aonnaba ni kabane.+

4 Takarua nakon Iehova ibukin te tokanikai ngkami kaain te aonnaba ni kabane.

Kam na kakatonga ao takarua ni kimwareirei ao anene n nebonebo.*+

5 Anene n neboa* Iehova n te abi,

N te abi ma te anene ae tangiraoi.

6 Takarua i matan te Uea ae Iehova ibukin te tokanikai,

N taiani buu ao n tangin te buu ae te koro.+

7 Ke e rurunga taari ma kanoana ni kabane,

Ao te aonnaba* ma te koraki ake a maeka iai.

8 Ke a uboi baia taiani karaanga,

Ke a ikotaki n takarua ni kimwareirei taiani maunga+

9 I matan Iehova, bwa e a nakomai* bwa e na motika taekan te aonnaba.

E na motiki taekaia kaain te aonnaba* n te raoiroi,+

Ao botannaomata n te aro ae riai.+