Taian Areru
Te kaetieti nakon te mataniwi n te anene ae “Taiani Kiebu.” Aia areru natini Kora+ aika mwaane. Matikiera.* Te anene n tangira.
45 E kaungaaki nanou n te bwai ae raoiroi.
I taku: “Au anene bon* taekan te uea+ temanna.”
Ke e riki neweu bwa ana bwai ni koroboki*+ te tia kaewewe* ae mwaatai.+
2 Boni ngkoe te kabanea ni botonimwaane i buakoia mwaane aika natiia aomata.
A bwarobwaro taetaenikawai aika tangiraoi mai riam.+
Anne bukina ae e kakabwaiako iai te Atua n aki toki.+
4 Ao waaki nakon te tokanikai n tamaroam,+
Tooka i aon am aoti ao buaka ibukin te koaua ma te nanorinano ao te raoiroi,+
Ao e na karaoi* mwakuri aika kamimi ma ni kakamaaku baim ane ataim.
5 A kakang kanoan am kainikatebe, ao a kabwakaia botannaomata i matam,+
A ewari burooia akana kairiribai nakon te uea.+
7 Ko tangira te raoiroi+ ao ko ribaa te buakaka.+
Anne bukina ae e kabiriko riki iai te Atua ae Atuam+ n te bwaa ni kakatonga,+ nakoia ueea ake tabemwaang.
8 A kaboiararaaki am kunnikai ni kabane n te mura ao n te aroe ao n te katia,*
A kakimwareireiko tangini bwaai ni katangitang aika iai karaiia, man te baareti ae te aiwere* ae moan te tamaroa.
9 A mena aine aika natiia ueea i buakoia am aine aika karineaki.
E tei te ueannaine i angaataim ni katamaroaaki ni kooran Obira.+
10 Ongora ngkoe ae te nati te aine, kakauongo ao katanimaia taningam,
Mwaninga taekaia am aomata ao ana auti tamam.
11 Ao e na bwaka nanon te uea n tikiraoim,
Bwa bon am toka ngaia,
Mangaia ae bobaraaki nakoina.
12 E na roko te nati te aine mai Turo ma te bwaintangira,
A na ukoukora akoaia iroum* mwaane aika taiani kabanea ni kaubwai.
13 Moan te tamaroa te aine ae natin te uea i nanon te baareti.*
E katamaroaaki kunnikaina n te koora.
14 E na kairaki neiei nakon te uea ni kunnikaina aika rangi n tamaroa aika rarangaaki.*
A kairaki nako matam raona ake a ririmwina ake aine aika tuai ni boo ma mwaane.
15 A na kairaki ma te kakatonga ao te kimwareirei,
A na rin n ana baareti te uea.
16 A na onei mwia am bakatibu natim mwaane.
Ko na mwiokoiia bwa mataniwi n te aonnaba ni kabutaa.+
17 N na karaoa aram bwa e na ataaki i nanon rooro ni kabane aika a na roko.+
Anne bukina ae a na karaoiroiko iai botannaomata n aki totoki.