Taian Areru
Te anene. Ana areru Tawita.
108 Te Atua, e teimatoa nanou.
N na anene ma ni katangitang ma au konabwai ni kabane.*+
2 Ko na uti ngkoe te bwai ni katangitang ae iai karaina, ao ngkoe naba te abi.+
N na utimwaaka n te karangaina.
3 N na karaoiroiko i buakoia botannaomata ngkoe ae Iehova,
Ao N na anene n neboiko* i buakoia natannaomata.
4 Bwa e korakora am tangira ae koaua,* ao e rietata n aroni karawa,+
Ao e rokoroko i annang am kakaonimaki.
5 Ko na karietataaki i etani karawa ngkoe ae te Atua,
Ao ke e buta te aonnaba ni mimitongim.+
6 Kamaiuira ni baim ae ataim ao kaekaai,
Bwa a aonga ni kamaiuaki am aomata aika ko tangiriia.+
7 E taetae te Atua i buakon tabuna* ni kangai:
“N na kakatonga, ao N na anga Tekem+ bwa te tibwanga,
8 Bon au bwai Kireata+ ao Manate naba,
Ao Eberaim boni bwaran* atuu,+
Ao Iuta bon okon au tia tautaeka.+
9 Bon au taabu ni kaitiaki Moaba.+
N na karenako au kau i aon Etom.+
N na takarua n tokanikai i aoni Biritia.”+
10 Antai ae e na karokoai n te kaawa ae nonoaki?
Antai ae e na kairai nako Etom?+
11 Boni ngkoe te Atua ae ko na kairira nako iai! Ma ko a manga rawa iroura ngkai,
Ngkoe ae Atuara ae ko a aki manga otinako n raonia ara taanga ni buaka.+