Taian Areru
Te kaetieti nakon te mataniwi n te anene. Ana areru Tawita. Te anene.
109 Ngkoe ae te Atua ae I karaoiroia,+ tai teimatoa ni kainabwabu.
2 Bwa a kaurea wia n ekainako akana buakaka ma akana mwamwanaa te aba.
A taekinai n neweia aika kewekewe.+
3 A otabwaniniai n taeka n riribai
Ao a ekainako n akea bukina.+
4 A kaitaraai ni kabooani mwin au tangira,+
Ma I teimatoa n tataro.
6 Rinea te aomata ae buakaka bwa te mataniwi i aona,
Ke e tei te tia kaaitara* i angaataina.
9 Ke a riki natina* bwa ataei aika akea tamaia
Ao buuna bwa te aine ae e a tia ni mate buuna.
10 Ke a riki natina* bwa taan tiotionako ni bububutii,
N ukoukora te amwarake mani mwengaia aika urubekebeke.
11 Ke a tauaki* ana bwai ni kabane iroun te aomata are taarau irouna,
Ao ke a kuribwaiaki ana bwai irouia ianena.
12 E bia akea ae e kaotiota te akoi* nakoina,
Ao e bia akea ae e akoiia natina ake akea tamaia.
13 Ke a koreakinako kanoana.+
A bia kamaunaaki araia n aia roro.
14 Ke e ururingaki aia bure ana bakatibu iroun Iehova,+
Ao e bia aki kamaunaaki ana bure tinana.
15 Ke e iaiangoi Iehova n taai nako baike a karaoi,
Ao ke e kamaunai uringaia man te aonnaba.+
16 Bwa e aki uringa ae e na kaota ana akoi,*+
Ma e teimatoa ni kaea te aomata ae rawawata,+ ae maiu ni kainnano, ao ae e uruaki nanona,
Bwa e na kamatea.+
17 E kan tataetae ni karekekai, mangaia are anne te bwai ae roko irouna,
E aki kani kakabwaiaa te aba, mangaia are akea te kakabwaia ae reke irouna.
18 E oneia n taian rekenikai bwa kaanga ana kunnikai.
Ao a kabwaroaki nako nanon rabwatana bwa kaanga te ran,
Nako nanon riina bwa kaanga te kabira.
19 Ke a riki rekenikaina bwa kaanga te kunnikai ae e niria iai,+
Ao bwa kaanga te roo ae e kabongana n taai nako.
20 Anne aron Iehova ni katuuaaea te aomata ae kaitaraai,+
Ao te koraki ake a taekini baika buakaka n ekainako.
21 Ma ngkoe ae Iehova ae te Uea ae Moan te Rietata,
Kaota akoau ibukin aram,+
23 I a maunanako n ai aron te nuu ae tabe ni mauna,
Ao I taeakinako n ai aron te rokati.
24 A a mamaara bubuaniwaeu ibukin te aki mamatam,
E a kairariki rabwatau ao I a bakitaia.*
25 I a riki bwa aia bwai ni kakaniko.+
Ngkana a norai ao a ioioi atuia.+
26 Buokai, ngkoe ae Iehova ae Atuau,
Kamaiuai n am tangira ae koaua.*
27 Ke a ataia bwa bon rinanoni baim te baei,
Bwa ko boni karaoia ngkoe ae Iehova.
28 Ke a taetae ni karekekai ngaiia,
Ma ko na kakabwaiaa te aba ngkoe.
Ngkana a teirake n ekainako, ao ke a kamaamaeaki,
Ma ke e kimwareirei am toro.
29 Ke a kunnikaiaki n te bwaibwainrang te koraki ake a kaitaraai,
30 E na kakorakoraa wiu ni karaoiroa Iehova,
N na karaoiroia i mataia aomata aika mwaiti.+
31 Bwa e na tei i angaatain ane e maiu ni kainnano,
Bwa e na kamaiua mairouia te koraki ake a kabuakakaa.