2 Rongorongo
13 N ana ka-18 n ririki n tautaeka te Uea are Ieroboam, ao e a riki Abiia bwa uean Iuta.+ 2 E tautaeka teuaei i Ierutarem i nanon tenua te ririki. Aran tinana Mikaia+ are natin Uriera are kaaini Kibea.+ Ao iai te buaka i marenan Abiia ma Ieroboam.+
3 Mangaia are e nako ni buaka Abiia ao raona te taanga ni buaka ae kaainaki irouia taani buaka aika 400,000 aika korakora, aika a a tia ni kataneiaaki.*+ Ao Ieroboam e baireiia raoi ana taanga ni buaka ni baireaia taani buaka ma taani buaka aika 800,000 aika korakora, aika a a tia ni kataneiaaki,* bwa a na ekaanako teuaei. 4 E a teirake ngkai Abiia i aon taubukin te Maunga ae Temeraim, are mena n aonon Eberaim ae maungaunga, ao e taku: “Ongora irou ngkoe ae Ieroboam ma tibun Iteraera ni kabane. 5 Kam aki ataia ae Iehova ae Atuan Iteraera e anga te tautaeka n uea i aon Iteraera nakon Tawita n aki toki,+ ngaia ma natina mwaane,+ n te berita ae te taoro?*+ 6 Ma e teirake Ieroboam+ are natin Nebata are ana toro natin Tawita are Toromon, ao e karitei n ekaanako ana toka.+ 7 Ao a teimatoa mwaane aika aki mwamwakuri aika akea bonganaia n ikotaki nakon teuaei. Ao a a tokanikai ni kaitaraa Reoboam are natin Toromon, ngke e ataei Reoboam ma n nimamate nanona, ao e aki kona n tei n ekiianako.
8 “Ao kam taku ngkai bwa kam kona n tei n ekaanako ana tautaeka n uea Iehova ae mena i nanoni baia natin Tawita mwaane, ibukina bwa aomata aika uanao ngkami, ao iai iroumi kaao ataei aika koora ake e karaoi Ieroboam bwa atuami.+ 9 Tiaki kam a tia ni kakioianako ana ibonga*+ Iehova ake kanoan Aaron ao tibun Rewi, ao tiaki kam a tia n rineiia oin ami ibonga n aroia botannaomatan aaba ake tabeua?+ Ane e roko ma* te kao mwaane ae ataei ao tiibu mwaane aika itiman, ao e a kona naba n riki bwa te ibonga ibukini baika tiaki atua. 10 Ma ngaira bon Iehova Atuara,+ ao ti aki kitanna. A beku ibukin Iehova ara ibonga aika kanoan Aaron, ao a ibuobuoki tibun Rewi n te mwakuri. 11 A kabueki ni kabubui karea ni kabuekaki nakon Iehova ni katoa ingabong ao ni katoa tairiki,+ n ikotaki ma baika boiarara.+ E mena te bwerena+ ae kauaataoaki* i aon te taibora ae te koora ni koaua, ao a kauraa te kaintaura ae te koora+ ma taurana nako ni katoa tairiki,+ ibukina bwa ti karaoa tabera nakon Iehova ae Atuara, ma kam kitanna ngkami. 12 Ao noria! e memena te Atua ae koaua iroura, ni kairirira irouia ana ibonga aika iai irouia taiani buu ake a kakatangaki ni kaotaki iai tain te buaka n ekingkami nako. Tai buakana Iehova ae Atuaia ami bakatibu ngkami aika mwaane aika tibun Iteraera, bwa ane kam na aki tokanikai.”+
13 Ma e kanakoia taani karan Ieroboam nako akuia nakekei, n te aro are a mena ngaiia i moaia kaain Iuta, ao taani karan a mena i akuia. 14 Ngke a rairaki mwaane aika tibun Iuta, ao a a noria bwa a riai ni buaka mai moa ao mai buki naba. Mangaia are a a tang nakon Iehova,+ ngke a tabe ibonga ni katang taiani buu ni katangimwaakai. 15 A takarua mwaane aika tibun Iuta n te takakaa ni buaka, ao ngke a takarua mwaane aikai n te takakaa ni buaka, ao te Atua ae koaua e a kataenikaia naba Ieroboam ma kaain Iteraera ni kabane i matan Abiia ma kaain Iuta. 16 Ao a birinako kaain Iteraera mai mwaia kaain Iuta, ao te Atua e anga ngaiia nako nanoni baia. 17 A karokoa te kamamate ae korakora i aoia nakekei Abiia ma ana aomata, ao a teimatoa ni bwaka tibun Iteraera aika kamateaki aika 500,000 mwaane aika a a tia ni kataneiaaki.* 18 Mangaia are a kamaamaeaki mwaane ake tibun Iteraera n te tai anne, ma a tokanikai mwaane aika tibun Iuta ibukina bwa a onimakina* Iehova ae Atuaia aia bakatibu.+ 19 Ao e teimatoa Abiia ni kaea Ieroboam ao e taui kaawa mairouna aika Betaera+ ma kaawa ake a mena i aana,* Ietana ma kaawa ake a mena i aana, ao Eberain+ ma kaawa ake a mena i aana. 20 Ao e aki manga reke korakoran Ieroboam n ana tai Abiia, ao e oreia Iehova ao e mate.+
21 Ma e rikirake korakoran Abiia. Imwina riki ao e karekeia buuna aika 14+ ao a bungiaki natina mwaane aika 22 ao natina aine aika 16. 22 Ao nikiran rongorongon Abiia ma ana mwakuri ao ana taeka, a koreaki mwia n ana koroboki* te burabeti are Ito.+