Itaia
45 E kangai ana taeka Iehova nakon ana aomata ae kabiraki, nakon Tairati,+
Are I taua baina ae te atai,+
Bwa e na kataei aia kai natannaomata i matana,+
E na anai korakoraia* ueea,
Ao e na kauki mataroa aika kiriuoua imwaina,
Bwa a aonga n aki in mataroan te oo:
2 “N na rimoam,+
Ao N na kaboraoi taian tabuki.
N na urubekei mataroa aika taiani buraati,
Ao N na korei ni kabwakai kaai ni kamatoa aika biiti.+
3 N na anganiko n te rotongitong baika kakawaki,
Ao n taabo aika raba kaubwai aika karabaaki,+
Bwa ko aonga n ataia ae bon Iehova ngai
Ae Atuan Iteraera, ae e weteiko n aram.+
4 I weteiko n aram
Ibukin au toro ae Iakoba ao Iteraera are I rineia.
I anganiko te ara ae karineaki e ngae ngke ko aki ataai.
5 Bon Iehova ngai ao akea riki temanna.
Akea riki te Atua bwa tii ngai.+
N na kakorakorako* e ngae ngke ko aki ataai,
6 Bwa a aonga n ataia aomata
Ake n te tabo are e oti iai taai ni karokoa are e bung iai,*
Bwa bon akea riki temanna i rarikiu.+
Bon Iehova ngai, ao akea riki temanna.+
Bon Iehova ngai ae I karaoi baikai ni kabane.
8 Kabwakaa te karau mai eta ngkoe ae karawa,+
Ao ke a kabwaroa te raoiroi taian nang.
Ke e uki aontano ao ni karikiuaa n te kakamaiu,
Ao ke e kabwebwerakea te raoiroi n te tai naba anne.+
Bon Iehova ngai, ae I karikia.”
9 Ke e reke kain te aomata ae kaitaraa* te tia Karaoia,*
Bwa bon te aomata ngaia ae tii te maibi ni kaatibu
I buakoni maibibi ni kaatibu aika raea i aontano!
E riai te bokaboka ni kangai nakon te tia Karaomwangko:* “Tera ae ko karaoia?”+
Ke e riai bwa e na kangai am mwakuri: “Akea baim”?*
10 Ke e reke kain te aomata ae kangai nakon te tama: “Te aeka n nati raa ae ko riki bwa tamana?”
Ao nakon te aine: “Tera ae ko bungia?”*
11 E kangai ana taeka Iehova, ae Teuare Tabu iroun Iteraera+ ao Teuare kateiraoiia:
“Ko na titirakinai taekani baika a nang roko
Ao n tua nakoiu ni kaineti ma natiu mwaane+ ao aia mwakuri baiu?
12 I karaoa te aonnaba+ ao I karika te aomata i aona.+
13 “I kateirakea te aomata n te raoiroi,+
Ao N na kaetii kawaina ni kabane.
Boni ngaia ae e na katea au kaawa,+
Ao e na kainaomataia au aomata ake a taenikai n akea boona+ ke te bwai ni kamaraato,”+ bon ana taeka Iehova ae Atuaia taanga ni buaka.*
14 E kangai ana taeka Iehova:
“A na roko i aom ao n riki bwa am bwai
Kaubwain* Aikubita, ana bwai n iokinibwai* Itiobia ao I-Teba aika aomata aika abwabwaki.
A na nakonako n rimwim ao a kabaeaki n taurekereke.
A na roko ao a na bobaraaki nakoim.+
A na kangai nakoim n te tataro, ‘E boni koaua bwa e memena iroum te Atua,+
Ao akea riki temanna, bon akea riki te Atua temanna.’”
15 E boni koaua ae boni ngkoe te Atua ae ko aki katoatai ni kaokaota te bwai ae ko karaoia,
Ngkoe ae Atuan Iteraera, ae te tia Kamaiu.+
16 A na bane ni kamaamaeaki ao a na nuka.
A na bane n nako ma te bwaibwainrang taani karaoi bouannanti.+
17 Ma e na kamaiuaki Iteraera iroun Iehova n te kakamaiu ae akea tokina.+
Kam na bon aki kamaamaeaki ke ni bwaibwainrang n aki totoki.+
18 Bwa e kangai ana taeka Iehova
Ae te tia Karika karawa+ ae te Atua ae koaua,
Ae Teuare karaoa te aonnaba, ae te tia Karaoia ae e kateia ni kamatoaa,+
Ae e aki karaoia bwa e na matebuaka,* ma e karaoia bwa e na maekanaki:+
“Bon Iehova ngai, ao akea riki temanna.
19 I aki taetae n te tabo ae raba,+ n te aba ae rotongitong.
I aki kangai nakoia kanoan* Iakoba,
‘Ukoukorai ao e na boni matebuaka.’
Bon Iehova ngai, ae tataekina te raoiroi ao ni kaotiota te bwai ae eti.+
20 Ikotiingkami ni kabane ao nakomai.
Keerake ngkami ni kabane aika taan rabanako mairouia natannaomata.+
Akea te bwai ae a ataia te koraki ake a ririaki n uouotii bouannanti aika kaaraki,
Ao a tataro nakon te atua ae aki kona ni kamaiuia.+
21 Karaoa ami kaongora ao uota ami tangitang.
Ke a karaoi aia babaire ma te boonnano.
Antai ae e a kaman taekina aei mangkoa
Ao n atongnga man taai ake a a bwakanako?
Tiaki boni ngai ae Iehova?
Akea riki te Atua temanna i rarikiu.
Akea riki te Atua ae raoiroi ao te tia Kamaiu,+ bwa tii ngai.+
22 Rairaki nakoiu ao kam na kamaiuaki,+ ngkami aika kaain tabon aonnaba ni kabane,
Bwa bon te Atua ngai ao akea riki temanna.+
A na bane bubuaniwae ni katorobubua nakoiu
Ao a na bane neewe n taetae n tuea bwa a na kakaonimaki ni koaua nakoiu,+
24 Ma ni kangai: ‘E boni koaua ae e mena te raoiroi ma te korakora iroun Iehova.
A na roko i matana ma te maamaa aomata ni kabane ake a rangi n un irouna.