Taian Areru
2 Ke a kangai ngkai tibun Iteraera:
“E teimatoa n aki toki ana tangira ae koaua.”*
3 Ke a kangai ngkai tibun Aaron:
“E teimatoa n aki toki ana tangira ae koaua.”*
4 Ke a kangai ngkai te koraki aika maaka Iehova:
“E teimatoa n aki toki ana tangira ae koaua.”*
6 E mena Iehova n au itera, N na aki maaku.+
Tera ae e kona ni karaoia te aomata nakoiu?+
7 E mena Iehova n au itera bwa te tia buokai,*+
N na kakatonga ngkai I tokanikai i aoia akana ribaai.+
8 E raoiroi riki karikan Iehova bwa te tabo ni kamanomano
Nakon onimakinaia aomata.+
9 E raoiroi riki karikan Iehova bwa te tabo ni kamanomano
Nakon onimakinaia tooka.+
11 A otabwaniniai, eng, I a bon otabwaniniaki raoi,
Ma I kakioianako
N aran Iehova.
12 A otabwaniniai n aroia manibeeru,
Ma a waekoa n tiringaki n aron te ai i buakon aroka aika kateketeke.
Ao I kakioianako+
N aran Iehova.
13 I ineakinaki n te aro ae korakora* bwa I aonga ni bwaka,
Ma e buokai Iehova.
14 Bon au tabo ni katantan Iah ao korakorau,
Ao e a riki bwa te tia kamaiuai.+
15 E mena te bwanaa ni kimwareirei ao te kakamaiu*
N aia umwanrianna akana raoiroi.
E kakaraoi baika korakora bain Iehova are ataina.+
16 E karietataa i bon irouna bain Iehova are ataina,
E kaota korakorana bain Iehova are ataina.+
17 N na aki mate, N na bon aki, ma N na maiu,
Bwa I aonga n tataekin ana mwakuri Iah.+
19 Kauki nakoiu mataroan oon te raoiroi,+
Ao N na rin iai ma ni karaoiroa Iah.
20 Aio mataroan ana oo Iehova.
A na rin iai akana raoiroi.+
21 N na karaoiroiko bwa ko a tia ni kaekaai,+
Ao ko riki bwa te tia kamaiuai.
24 Aio te bong are e karaoia Iehova,
Ti na kimwareirei ao ni kakatonga iai.
25 Iehova, taiaoka kamaiuira, bwa ti a bubutiiko!
Iehova, taiaoka anganira te tokanikai!
26 E na kakabwaiaaki ane e roko n aran Iehova,+
Ti kakabwaiaingkami man ana auti Iehova.
27 Bon te Atua Iehova,
Ao e anganira te oota.+
Iriia te koraki ake a mwaati nakon te toa ma mwaanganikai i baia,+
Nako rarikini kooro ake n te baonikarea.+
28 Bon Atuau ngkoe, ao N na karaoiroiko,
Atuau, N na karietatako.+