Itaia
30 “Ke a reke kaia naati aika imanono,”+ bon ana taeka Iehova,
“Ake a karaoi babaire ake tiaki au babaire,+
Ake a boraraoi* ma e aki boraoi ma nanou,*
Bwa a aonga n raona te bure n te bure.
2 A ruo nako Aikubita+ ao a aki karekea buokaia mairou,*+
Bwa a na katania i aan ana kamanomano* Barao
Ao ni kamanoia n nuun Aikubita!
3 Ma e na riki ana kamanomano Barao bwa ngaia bukini kamaamaeami,
Ao te kamanomano n nuun Aikubita bwa ngaia bukini bwaibwainrangimi.+
4 Bwa a mena ana aomata ake tooka i Toan,+
Ao a a roko i Aneti ana tia tei.
5 A na bane ni kamaamaeaki
Iroun te natannaomata ae aki kona n uota te kakabwaia nakoia,
Ae akea te ibuobuoki ao akea te kakabwaia ae e anga,
Ma tii te maamaa ao te nuka.”+
6 E kangai te taeka n ekiianako manin maiaki:
A uotii kaubwaia i aoia taongki
Ao aia bwaintituaraoi i aon nukaia kamero,
Rinanon te aba ae mena iai te rawawata ma te kangaanga,
Ae mena iai te raian ae te raian ae bekorara,
Ae mena iai te baiba ma te naeta ae te ai ae kikiba.*
Ma a na aki kabwaia aomata ni baikai.
7 Bwa bon akea uaan ana ibuobuoki Aikubita.+
Ai ngaia ae I aranna bwa: “Raaba+ ae tekateka n aki kakammwakuri.”
8 “Mangaia ae naako, ao koreia i aon te baba ni koroboki i mataia,
Ao katanea i nanon te boki,+
Bwa e aonga n riki bwa te bwai ni kakoaua ae teimatoa
Ibukin te bong ae e na roko.+
10 A taku nakoia taani matairiki, ‘Tai taraia,’
Ao nakoia taan nori miitara, ‘Tai tuangira miitara aika koaua.+
Tuangira baika kakukureira,* miitara aika mwamwanaa te aba.+
11 Tannako man te kawai ae eti, rairakinako man te kawai.
Katoka kamenaakin i matara Teuare Tabu iroun Iteraera.’”+
12 Mangaia ae e kangai ana taeka Teuare Tabu iroun Iteraera:
“Kioina ngkai kam rawa nakon te taeka aei,+
Ao kam onimakina te babakanikawai ma te mwamwanaa te aba,
Ma ni mwiokoi baikai,+
13 Ai ngaia are e na riki te bure aei iroumi bwa ai aron te oo ae uruaki,
Ai aron te oo ae rietata ae raranako ae nangi bwaka.
E na rina n uruaki, n te tai ae waekoa.
14 E na uruaki n aron ana kaatibu ae bubura te tia karaomwangko,
Ae e a maeinikun n te aro are ai akea nikirani maibibina n tiku,
Ae e na aekaki te ai iai man te nne ni kanaiai,
Ke e na itiiaki te ran iai man te nei.”*
15 Bwa e kangai ana taeka te Uea ae Moan te Rietata ae Iehova, ae Teuare Tabu iroun Iteraera:
“Kam na kamaiuaki ngkana kam okirai ma ni motirawa.
E na reke korakorami ngkana kam teimatoa n rau ao n onimaki.”+
Ma kam rawa.+
16 Ma kam taku: “Tiaki ngaia anne, ti na birinako i aoia aoti!”
Mangaia ae kam na boni birinako.
“Ao ti na toka i aoia aoti aika birimwaaka!”+
Mangaia ae a na birimwaaka te koraki ake a kakioingkami.+
17 A na rurubenebene tenga n ana kakamaaku ae tii temanna.+
Kam na birinako n aia kakamaaku naaka niman,
Ni karokoa ae kam a tiku bwa ai aron te aneang i taubukin te maunga,
Ao n ai aron te kai ae te kanikina i aon te tabuki.+
18 Ma e teimatoa Iehova n tataninga ma te taotaonakinnano* bwa e na akoingkami,+
Ao e na teirake ni kaota te nanoanga nakoimi.+
Bwa Iehova bon te Atua ae nibwan te kaetitaeka ae riai.+
A a kukurei te koraki nako akana teimatoa ni kantaningaia.*+
19 Ngkana a maeka aomata i Tion, i Ierutarem,+ ao ane ko na aki manga tang.+ E na bon akoiko n tangim ni kani buokaki, e na kaekako n te tai are e ongo naba iai.+ 20 E ngae ngke e na anganingkami Iehova te rawawata bwa kanami ao te karawawata bwa nimami,+ ma e na bon aki manga karabaa ami tia Reirei ae Moan te Kakannato, ao kam na nora ami tia Reirei ae Moan te Kakannato+ ni matami. 21 Ngkana kam rairaki nakon te angaatai ke nakon te angamaing,+ ao a na ongo taningami te taeka ae kangai mai akumi, “Aio te kawai.+ Nakonako iai.”
22 Ao kam na kamwaraei tirewa aika kanimwaki n rabunaki iai aon ami bouannanti aika kaaraki ma te koora ae rabunan aon ami bouannanti aika biiti.*+ Kam na tewenakoi n aron tewenakoan te moti ae mwin te aoraki n aine ao kangai nakoia, “Kam na nako!”*+ 23 Ao e na anga te karau ibukini koraa ake kam uniki i aontano,+ ao e na bati te amwarake ae uaan aontano ma ni kangkang.*+ N te bong anne, ao a na amwarake ami nanai ni man n taian tawaana aika mwawaawa.+ 24 Ao kaao ma taongki ake a mwakuria te tano a na kang amwarake aika raraoi aika irengarengan, aika a kaakaki kunia n te tiaabora ao n te kainiwaiteke ae abwabwaki kaina. 25 Ao e na iai karaanga ma kawain raan ni maunga ake a rietata ni kabane ao n tabuki ake a rietata ni kabane,+ ni bongin te kamamate ae korakora ngkana a bwaka taian taua. 26 Ao e na riki maaman namwakaina ngkana e a tabwanin bwa kaanga ootan taai, ao ootan taai e na korakora riki itiua te tai,+ n aron ootani boong aika itibong, n te bong are e a bauta iai ikoakin* ana botannaomata+ Iehova ao ni kamaoa te ikoaki ae kakaiaki are reke man ana oro.+
27 Akea bwa e a roko Iehova* mai kiraroa,
Ao e urarake n unna ma naang aika matenten.
E onrake wina n te un,
Ao newena ai aron te ai ae kaakang.+
28 Taamneina* kaanga ai aron te karaanga ae korakora raangana ae rota te roroa,
Bwa e na ioioia natannaomata n te raumea ni kakamauna.*
Ao e na iai te bwe ni mwangaia botannaomata+ ae e kairiia ni katiotionakoia.
29 Ma e na riki ami anene bwa kaanga are e aneneaki n te tairiki
Ngkana kam katauraoi* nakon te toa,+
Ao e na kakatonga nanomi n aron te aomata
Ae nakonako ma* te kaibwabwaa,
Ae i aoni kawaina nakon ana maunga Iehova, nakon ana Bwaa Iteraera.+
30 E na kaongongo Iehova bwanaana ae mimitong+
Ao e na kaota korakorani bwakani baina+ n uraraken unna,+
Ma uran te ai ae kaakang,+
Te karau ae korakora ae rina ni bwaka,+ ao rebwerebwen te baa ma te karau ae te aiti.+
32 Ao a na raonaki tiotion nako okon Iehova ni katuuaa
Are e na karokoa i aon Aturia,
Ngkana e katioa baina n ekiianako n te buaka.+
33 Bwa e a kaman tauraoi ana Tobeta.*+
E katauraoaki naba ibukin te uea.+
E kaona te tabo ae nano n te bwariko n aia ao ni karababaanako,
Ma te ai ae urarake ao te aia ae bati.
Ikeiken Iehova kaanga ai aron te burimton* ae raanga,
Ae e na kabuekia n te ai.