Taian Areru
TE KATENUA NI BOKI
(Taian Areru 73-89)
Ana anene Ataba.+
73 E bon raoiroi te Atua nakoia tibun Iteraera, nakoia akana itiaki nanoia.+
2 Ni kaineti ngkanne ma ngai a kuri n tibanako waeu,
Ao a kuri ni marannako waeu.+
5 A aki tabeaianga n aroia aomata ake tabemwaang,+
Ke ni karawawataaki n aroia mwaane ake tabemwaang.+
6 Mangaia are te kainikatonga boni mwaen roroaia,+
Ao e rin i aoia te iowawa bwa kaanga te kunnikai.
7 A matibutibu mataia ibukin toronibwaia,*
Ao a reke irouia baika e a riaon are e tangiria nanoia.
8 A kakaniko ma n taekini baika bubuaka.+
A kainikatonga ni kakamaaka ane e karawawataaki.+
9 A taetae n ae kaanga a rietata n aroni karawa,
Ao e nakonako neweia ma te kamoamoa n te aonnaba.
10 Mangaia are a tannako ana aomata nakoia naakai,
Ao a moi man aia ran ae bati.
11 A taku: “E kangaa n ataia te Atua?+
Bon iai ana atatai Teuare Moan te Rietata?”
12 Eng, bon aomata aika buakaka aikai aika nakoraoi aroia n taai nako.+
Ao a teimatoa ni kabatiai kaubwaia.+
13 E boni matebuaka kateimatoaan itiakin nanou,
Ao tebokani baiu ni kaotai bwa akea au bure.+
15 Ma ngke arona bwa I taekini baikai,
Ao I a kaman tia ni babakanikawaiia am aomata.*
16 Ngkana I kataia ni kan ota iai,
Ao e riki bwa tabeaiangau,
17 Ni karokoa ae I rin n ana tabo ae tabu ae kakannato te Atua.
Ao I a ataa tokia.
18 Ko boni kaakiia i aon te tano ae maranran.+
Ko kabwakaia bwa a na kamaunaaki.+
19 Ai tawera naba maunaia!+
Ao ai waekoara naba tokia ngkai a a roko n tokia aika kakamaaku!
20 N ai aron te mii ngkana e uti temanna, ngkoe ae Iehova,
Ao ngkana ko teirake, ao ko na boni kamaunai* nakoaia.
22 I ronnano ao akea au ataibwai,
Ao kaanga te man ae nanobaba ngai i matam.
23 Ma I a teimatoa ngkai i rarikim
Ao ko taua baiu ae ataiu.+
25 Antai riki ae I kona n onimakinna i karawa?
Ao akea riki n te aonnaba ae I tangiria i rarikim.+
26 E kona ni mamaara rabwatau ao nanou,
Ma bon te bwaa te Atua ae I kona n onimakinna ma nanou ni kabane, ao tibwangau n aki toki.+