Taian Areru

2 E aera ngkai a kiriwe natannaomata

Ao e aera ngkai a bwangurengurea* te bwai ae akea uaana botannaomata?+

 2 A teirake uean aonnaba

Ao a ikotaki* taani kairiri n nanoteuana+

N ekaanako Iehova ma ana aomata ae kabiraki.*+

 3 Ao a taku: “Ti na motiki aia taurekereke

Ao ni buutii aia roobu!”

 4 E na ngare Teuare tekateka i aon te kaintokanuea i karawa,

E na kakanikoia Iehova.

 5 N te tai anne ao e na taetae nakoia n unna

Ao e na kakamaakuia n uraraken unna,

 6 Ni kangai: “I a bon tia ni katea au uea+

I aon Tion+ ae au maunga ae tabu.”

E taku nakoiu: “Bon natiu ngkoe,+

Ao n te bong aei I a riki bwa tamam.+

 8 Bubutiiai ao N na anganiko natannaomata bwa tibwangam,

Ao tabon nako aonnaba bwa abam.+

 9 Ko na uruia n okon te uea ae te biti,+

Ao ko na ibeibeiia n ai aron te maibi ni kaatibu.”+

10 Mangaia ae ngkami aika ueea, kaotiota te ataibwai ngkai,

Butimwaea kaetakimi,* ngkami aika taani moti n te aonnaba.

11 Beeku iroun Iehova ma te maaku

Ao kimwareirei ma te rurubenebene.

12 Karinea* te nati+ bwa e kaawa n roko unin te Atua

Ao kam na aki mauna,*+

Bwa E waekoa n urarake unna.