Taian Areru
71 I boni kamanoai iroum ngkoe ae Iehova.
I bia aki kona ni kamaamaeaki.+
2 Kamaiuai ao kainaomataai n am raoiroi.
Katanimaia taningam nakoiu* ao kamaiuai.+
3 Ko na riki bwa au bwaa ae au tabo ni kamaiu,
Ae I kona n rinnako iai n taai nako.
Ko na tua bwa N na kamaiuaki,
Bwa bon au bwaa ngkoe ao au nono.+
4 Atuau, kamaiuai mai nanoni baia akana buakaka,+
Ao mai nanoni bain te tia karawawataa te aba ae ribuaka.
5 Bwa bon au kantaninga ngkoe, te Uea ae Moan te Rietata ae Iehova,
6 I onimakiniko mangke I bungiaki,
Boni ngkoe are ko anaai mai nanoni biroton tinau.+
Ao I karaoiroiko n taai nako.
7 I a riki bwa kaanga te kakai nakoia aomata aika bati,
Ma boni ngkoe au tabo ni kamanomano ae korakora.
8 E on wiu ni karaoiroam,+
I kabongnga n tataekina tamaroam.
10 A taetae n ekainako akana kairiribai nakoiu,
Ao a ikotaki ni babaire akana ukoukora anaakini maiuu,*+
11 Ao a kangai: “E a kaaki taekana te Atua.
Kakioa ao taua, bwa ai akea ae e na kamaiua.”+
12 Te Atua, tai teimatoa n raroa mairou.
Atuau, ko na bareiko ni buokai.+
13 Ke a kamaamaeaki ao ni kamaunaaki+
Te koraki akana kaitaraai.
Ao ke a taonakinako n te bwaibwainrang ma te kamaamaeaki+
Te koraki akana ukoukora karawawataau.
14 Ma ni kaineti ngkanne ma ngai, N na teimatoa n tataninga,
Ao N na kabatiaa riki karaoiroam.
15 E na tataekina am raoiroi wiu,+
Ao am mwakuri ni kakamaiu ni kabongnga,
16 N na roko n taekin taekan am mwakuri aika abwabwaki,
Ngkoe ae Iehova ae te Uea ae Moan te Rietata,
N na taekina am raoiroi, n tii ngkoe.
17 Te Atua, ko reireinai mangke te roro n rikirake ngai,+
Ao I teimatoa n tataekin am mwakuri aika kamimi ni karokoa ngkai.+
18 E ngae ngkana I a kara ma n iaia, ma tai kaaki taekau ngkoe ae te Atua,+
Kariaia bwa N na taekina korakoram* nakon te roro are imwina,
Ma mwaakam nakoia akana a na roko ni kabane.+
19 E rokoroko i eta am raoiroi, ngkoe ae te Atua,+
Ao ko a tia ni karaoi baika kakannato,
Ngkoe ae te Atua, ai antai ae ai arom?+
20 E ngae ngke ko kariaia bwa N na rinanon te rawawata ma te kangaanga,+
Ma ko na manga kaoka korakorau,
21 Ko bia kabatiaa kakannatou,
Ao otabwaniniai ma ni kabebeteai.
22 N na karaoiroiko ngkanne n te bwai ni katangitang ae iai karaina,
Ibukin am kakaonimaki ngkoe ae Atuau.+
N na anene n neboiko* n te abi,
Ngkoe Teuare Tabu iroun Iteraera.