Iobi
33 “Ma ngkai, I a butiiko Iobi ma ongora n au taeka,
Kakauongo nakoni bwaai nako aika N na taekin.
2 Noria, taiaoka! I riai ni kaurea wiu,
E riai n taetae neweu.*
3 A taekina raoiroin nanou au taeka,+
Ao riau e taekina raoi te bwai ae I ataia.
5 Kaekaai ngkana ko kona,
Tabeki am kauntaeka i matau, ao teei n am itera.
6 Noria! Bon tii te arona ngai ma ngkoe i matan te Atua ae koaua,
I kateiraoaki naba man te bokaboka.+
7 Mangaia are akea maakakiu ae ko riai ni maakunrang iai,
Ao akea te karawawata mairou ae riai n taonikonako.
8 Ma ko taku ngke I kakauongo,
Eng, I teimatoa n ongo taeka aikai,
9 ‘I itiaki ao akea au bure,+
I itiaki ao akea au kairua.+
10 Ma bon iai bukini kaitaraakiu iroun te Atua,
E iangoai bwa I kairiribai nakoina.+
11 E karini waeu i nanon te bwai ni kabaewae,
Ao e tuoi raoi kawaiu nako.’+
12 Ma ko aki eti ngke ko taekina aei, mangaia ae N na kaekako:
E rangi ni kakannato riki te Atua nakon te aomata ae mamate.+
13 E aera ngkai ko a ngurengure Irouna?+
Ibukin ae e aki kaekai am taeka ni kabane?+
14 Bwa e taetae te Atua n te moantai ao n te kauatai,
Ma akea ae e kakauongo,
15 N te mii, n te miitara n te bong,+
Ngke a matunako aomata,
Ngke a matu n aia kainiwene.
16 E kaaki ngkanne rabunan taningaia,+
Ao e katanea* ana kaetieti i aoia,
17 Bwa e na rairaanako te aomata mani karaoan ae bure,+
Ao ni kamanoa te mwaane man te nanorieta.+
19 E boaaki naba te aomata n te maraki i aoni nnena ni wene,
Ao ni marakin riina ae aki totoki,
20 Ibukin anne, ao e* a bon ribaa te kariki,
21 E a kanakinako irikona,
Ao a a rebenako* ngkai riina ake a raba ngkoa.
23 Ngkana iai te tia uataeka* ibukina,
Ae te tia tei ibukina mai buakoia tenga,
Bwa e na tuanga te aomata te bwai ae eti,
24 Ao e kaota akoana te Atua ao e taku,
I a tia ni kunea te kaboomwi!+
25 E na raoiroi riki* irikona nakon arona ngke e roro n rikirake+
E na okiri ana bong ni kairake ae e bati korakorana iai.’+
26 E na onnonia te Atua,+ are e na butimwaeia,
Ao e na nora Moana ma te takarua ni kimwareirei,
Ao E na kaoka Ana raoiroi nakon te aomata ae mamate.
27 E na kangai* te aomata anne nakoia mwaane,
‘I boni bure+ ao I kabwaoua ae eti,
Ma I aki anganaki te bwai ae bon tau n reke irou.*
29 Ni koauana, e karaoi bwaai aikai ni kabane te Atua,
Te kauatai ao te katentai ibukin te mwaane,
30 Bwa e na kaoka teuaei* man te mwarua,*
Bwa e aonga ni kaotaaki n ootan te maiu.+
31 Kakauongo Iobi! Ongora irou!
Teimatoa ni kainabwabu, ao N na reitaanako au taetae.
32 Ngkana iai te bwai ae ko kan taekinna, ao kaekaai.
Taetae bwa I kani kaotia ae ko eti.
33 Ngkana ai akea te bwai ae ko na taekinna, ao ko riai n ongora irou,
Teimatoa ni kainabwabu, ao N na reireiniko te wanawana.”