Itaia
53 Antai ae onimakina te bwai ae e ongoraeia mairoura?*+
Ao e kaotaki+ mwaakan* Iehova+ nakon antai?
2 E na waerake n ai aron te mwaanga+ i matan teuaei,* n aron te wakaa man te aba ae mwauteretere.
Akea kantarana ma tamaroana.+
Ngkana ti nora teuaei, ao ti aki katikaki nakoina n taraana.*
3 E riribaaki ao a rarawa nakoina aomata,+
Bon te mwaane ae ataa* raoi aron te maraki ao e ota n te aoraki.
Kaanga ai aron ae e karabaaki ubuna mairoura.*
E riribaaki, ao ti kakeaa bongana.+
Ma ti iangoia bwa e karekeaki kaina, e oreaki, ao e karawawataaki iroun te Atua.
5 Ma e ewaraki+ ibukin ara bure.+
E korakora karawawataana ibukin ara kairua.+
6 Ti a tia ni bane n tiotionako n aroia tiibu,+
E rairaki temanna ma temanna nakon oini kawaina,
Ao Iehova e kaaki ara bure ni kabane i aon teuaei.+
E kairaki n ai aron te tiibutetei nakon te kamateaki,+
Ao n ai aron te tiibu aine ae kainabwabu i mataia akana korea buraena,
Ao e aki kaurea wina.+
8 E karawawataaki ao e anaaki maiuna ibukina bwa e tauaki mairouna te motikitaeka ae riai,
Ao antai ae e na tabe ma kabwarabwaraan raoi rikiana?*
9 Ao e anganaki nnena ni kaweneaki* i buakoia akana buakaka+
Ma akana kaubwai* ngke e mate,+
E ngae ngke akea te bwai ae e karaoia ae bure,*
Ao akea te mwamwanaa te aba i wina.+
10 Ma bon nanon Iehova* bwa e na korakora karawawataana, ao e kariaia bwa e na aoraki.
Ngkana ko anga maiuna bwa te karea ni kabooa mwin te bure,+
11 Ane e na rauaki n te baere e noria bwa uaani korakain nanona.*
Ao rinanon ana atatai teuare raoiroi ae au toro,+
E na kairiia aomata aika bati nakon te raoiroi,+
Ao e na uouotii aia bure.+