Ieremia

11 Aio te taeka ae roko iroun Ieremia mairoun Iehova, ae kangai: 2 “Kam na ongo taeka aika n te berita aei!

“Taekin* nakoia mwaane aika tibun Iuta ao kaain Ierutarem 3 ao kangai nakoia, ‘E kangai ana taeka Iehova ae Atuan Iteraera: “E na reke kain te aomata ae aki ongeaba n taeka aika n te berita aei,+ 4 ake I tua nakoia ami bakatibu n te bong are I kairiia iai ni kaotinakoia man te aba are Aikubita,+ ao mani nnen te ai ibukini kaburoan te biti,+ ao I kangai, ‘Ongo ni bwanaau ao karaoi bwaai ni kabane aika I tua nakoimi, ao kam na riki bwa au aomata ao N na riki bwa Atuami,+ 5 bwa I aonga ni kakororaoa te berita are I taetae n tuea iai nakoia ami bakatibu, bwa N na angania te aba ae raanga iai rannimamman te man ao aia karewe manibeeru,*+ n aron ae riki n te bong aei.’”’”

Ao I kaeka ni kangai: “Amen,* ngkoe ae Iehova.”

6 E taku ngkanne Iehova nakoiu: “Tataekin taeka aikai ni kabane ni kaawa ake i Iuta ao ni kawai ake i Ierutarem, ae kangai: ‘Kam na ongo taeka aika n te berita aei ao kakairi iai. 7 Bwa I boni kaumakiia ami bakatibu n te bong are I kairiia iai ni kaotinakoia man te aba are Aikubita ao ni karokoa te bong aei, ao I okioki ni kaumakiia* ni kangai: “Ongo ni bwanaau.”+ 8 Ma a aki kan ongo ao a aki naba katanimai taningaia, ma e teimatoa temanna ma temanna n imanono n irira oin nanona ae buakaka.+ Mangaia are I a karokoi i aoia taeka ni kabane aika n te berita aei are I tua nakoia bwa a na karaoi, ao a rawa ni kakairi iai.’”

9 E taku ngkanne Iehova nakoiu: “E ueke te karitei i buakoia mwaane aika tibun Iuta ma kaain Ierutarem. 10 A okiri aia kairua aia bakatibu ake ngkoangkoa, ake a rawa n ongo n au taeka.+ A kakairi naba irouia atua riki tabeman ao a toro irouia.+ A a tia tibun Iteraera ao tibun Iuta n urua au berita are I karaoia ma aia bakatibu.+ 11 Mangaia ae e kangai ana taeka Iehova, ‘Noria ae I a karokoa i aoia te kabuanibwai+ ae a na aki kona ni birinako mai iai. Ngkana a weteai ibukini buokaia ao N na aki ongo irouia.+ 12 Ao ane a na nako kaaini kaawa ake i Iuta ao kaain Ierutarem nakoia atua ake a angakarea* nakoia ao a na wewete ibukini buokaia,+ ma a na bon aki kona baikai ni kamaiuia n aia tai ni kabuanibwai. 13 Bwa a mwaiti atuam n ai aroni mwaitin am kaawa, ngkoe ae Iuta, ao ko katei baonikarea aika mwaiti nakon te bwai ae kanuka* n ai aroni mwaitini kawai i Ierutarem, aika baonikarea aika ko na angakarea iai nakoni Baara.’+

14 “Ni kaineti ngkanne ma ngkoe,* tai tataro ibukin te botannaomata aei. Tai tang ibukia ke n tataro ibukia,+ bwa N na bon aki ongo ngkana a weweteai ibukin rawawataia.

15 Tera ana bwai neie tangiraki irou i nanon au auti

Ngkai a a rangi ni bati aika a karaoi babaire aika bubuaka?

A na kona ni katoka te kabuanibwai ngkana e a roko i aom, n te iriko ae tabu?*

Ko na kakatonga n te tai anne?

17 “Ao Iehova ae Atuaia taanga ni buaka* ae te tia Unikiko,+ e taekinna bwa e na roko i aom te kabuanibwai ibukin te buakaka are karaoaki irouia tibun Iteraera ao tibun Iuta, ake a kaunai n aroia n angakarea nakoni Baara.”+

19 I riki bwa kaanga te tiibutetei ae nimamannei ae kairaki nakon te kamateaki.

I aki ataia ae a babaire n ekainako+ ni kangai:

21 Mangaia ae e kangai ana taeka Iehova n ekiianako kaain Anatota+ ake a ukoukora anaakini maium,* ao ake a kangai: “Ko na tai taetae ni burabeti n aran Iehova+ bwa ko kaawa ni mate ni baira.” 22 Mangaia ae e kangai ana taeka Iehova ae Atuaia taanga ni buaka: “Noria ae N nang kaetii taekaia. A na mate rorobuaka n ataei n te kabaang,+ ao a na mate natiia mwaane ma natiia aine n te rongo.+ 23 E na aki naba tiku temanna nikiraia, ibukina bwa N na karokoa te kabuanibwai i aoia kaain Anatota,+ n te ririki are a kaetaki taekaia iai.”