Taian Areru
Te kaetieti nakon te mataniwi n te anene, e na raonaki ni bwaai ni katangitang aika iai karaiia. Ana areru Ataba.+ Te anene.
3 E urui ikanne kanoani kainikatebe aika ura,
Te otanga ao te kabaang ao bwaai ni buaka.+ (Tiera)
4 Ko ootanako n raneanea,*
Ko kakannato riki nakoni maunga ake a kakamwaneia iai konaia maan.
5 A kuribwaiaki te koraki aika ninikoria nanoia.+
A matunako,
Ao a bane n akea korakoraia taani buaka.+
6 A uaia ni matunako te aoti ao te tia toka i aon te kaa ni buaka,
Ni boaakia iroum ngkoe ae Atuan Iakoba.+
8 Ko taekina te motikitaeka mai karawa,+
E maaku te aonnaba ao e kainabwabu+
9 Ngke e teirake te Atua ni karokoa te motikitaeka,
Bwa e na kamaiuia kaain te aonnaba aika nimamannei ni kabane.+ (Tiera)
10 Bwa e na reke karaoiroam n unin te aomata,+
Ao ko na katamaroako n nikiran nako unia.
11 Taetae ni bau nakon Iehova ae Atuami ao kam na kakororaoi,+
Ke a uotii aia bwaintituaraoi ma te maaku, aomata ni kabane akana i rarikina.+
12 E na kananorinanoi nanorietaia taani kairiri,
Ao e na karina te maaku irouia uean aonnaba.