1 Rongorongo

25 Ao Tawita ma mataniwi ake a tararuaia te koraki nako ake a beku n te tembora, a kaokoroia tabeman natin Ataba, Eman, ao Ierutun,+ bwa a na beku bwa taan taetae ni burabeti n taian abi, ni bwaai ni katangitang aika iai karaiia,+ ao n timbara.+ Aikai araia mwaane aika mwiokoaki n te beku aei, 2 aikai mai buakoia natin Ataba: Takura, Ioteba, Netania, ao Atiarera, a mena natin Ataba aikai i aan ana kairiri Ataba, are taetae ni burabeti i aan ana kairiri te uea. 3 Aikai mairoun Ierutun,+ aika natin Ierutun: Bon onoman bwa Ketaria, Teri, Ietiaia, Timei, Atiabaia, ao Matitia,+ aika mena i aan ana kairiri tamaia are Ierutun, are taetae ni burabeti n te abi ni katituaraoa ao ni karaoiroa Iehova.+ 4 Aikai mairoun Eman,+ aika natin Eman: Bukia, Matania, Utiera, Tebuera, Ierimota, Aanania, Aanani, Eriaata, Kitareti, Romantietera, Iotibekatia, Maroti, Otira, ao Maatiota. 5 Akanne ni kabane bon natin Eman aika mwaane, are ana tia nori miitara te uea ni baike a irekereke ma te Atua ae koaua ibukini mimitongina.* Ao te Atua ae koaua e angan Eman natina mwaane aika 14 ao natina aine aika 3. 6 A bane ni mena naakai i aan ana kairiri tamaia bwa a na anene n ana auti Iehova ma timbara, bwaai ni katangitang aika iai karaiia, ao taian abi,+ bwa anne aia beku n ana auti te Atua ae koaua.

A mena Ataba, Ierutun, ao Eman, i aan ana kairiri te uea.

7 Bon 288 mwaitiia ma tariia ake a kataneiaaki n te anene nakon Iehova, ao a bane ni mwaatai. 8 Mangaia are a ukoukora te kanikina* mairoun te Atua+ ibukin aia beku, ao titeboo ane e mangori ma ane e kakannato, ao ane e mwaatai ma ane e reiakinaki.

9 Te moani kanikina mairoun te Atua are e otinako bon ana bwai natin Ataba are Ioteba,+ te kauoua ibukini Ketaria+ (mwaitiia bon 12, ngaia ma tarina nako ao natina mwaane), 10 te katenua ibukin Takura,+ ao mwaitiia bon 12, ngaia ma natina mwaane ao tarina nako, 11 te kaaua ibukin Itiri, ao mwaitiia bon 12, ngaia ma natina mwaane ao tarina nako, 12 te kanimaua ibukin Netania,+ ao mwaitiia bon 12, ngaia ma natina mwaane ao tarina nako, 13 te kaonoua ibukini Bukia, ao mwaitiia bon 12, ngaia ma natina mwaane ao tarina nako, 14 te kaitiua ibukin Ietiarera, ao mwaitiia bon 12, ngaia ma natina mwaane ao tarina nako, 15 te kawanua ibukin Ietiaia, ao mwaitiia bon 12, ngaia ma natina mwaane ao tarina nako, 16 te karuaiwa ibukini Matania, ao mwaitiia bon 12, ngaia ma natina mwaane ao tarina nako, 17 te katebwina ibukin Timei, ao mwaitiia bon 12, ngaia ma natina mwaane ao tarina nako, 18 te ka-11 ibukin Atareru, ao mwaitiia bon 12, ngaia ma natina mwaane ao tarina nako, 19 te ka-12 ibukin Atiabaia, ao mwaitiia bon 12, ngaia ma natina mwaane ao tarina nako, 20 te ka-13 ibukin Tibuera,+ ao mwaitiia bon 12, ngaia ma natina mwaane ao tarina nako, 21 te ka-14 ibukini Matitia, ao mwaitiia bon 12, ngaia ma natina mwaane ao tarina nako, 22 te ka-15 ibukin Ieremota, ao mwaitiia bon 12, ngaia ma natina mwaane ao tarina nako, 23 te ka-16 ibukin Aanania, ao mwaitiia bon 12, ngaia ma natina mwaane ao tarina nako, 24 te ka-17 ibukin Iotibekatia, ao mwaitiia bon 12, ngaia ma natina mwaane ao tarina nako, 25 te ka-18 ibukin Aanani, ao mwaitiia bon 12, ngaia ma natina mwaane ao tarina nako, 26 te ka-19 ibukini Maroti, ao mwaitiia bon 12, ngaia ma natina mwaane ao tarina nako, 27 te ka-20 ibukin Eriaata, ao mwaitiia bon 12, ngaia ma natina mwaane ao tarina nako, 28 te ka-21 ibukin Otira, ao mwaitiia bon 12, ngaia ma natina mwaane ao tarina nako, 29 te ka-22 ibukini Kitareti,+ ao mwaitiia bon 12, ngaia ma natina mwaane ao tarina nako, 30 te ka-23 ibukini Maatiota,+ ao mwaitiia bon 12, ngaia ma natina mwaane ao tarina nako, 31 te ka-24 ibukin Romantietera,+ ao mwaitiia bon 12, ngaia ma natina mwaane ao tarina nako.