Taian Areru
Te Anene n Ararake.
132 Uringa Tawita ngkoe ae Iehova,
Ma rawawatana ni kabane,+
2 Arona n taetae n tuea nakon Iehova,
Ao arona n taetae ni bau nakon Teuare Mwaaka ae Atuan Iakoba+ ni kangai:
3 “N na aki rin n au umwanrianna, ae mwengau.+
N na aki wene i aon au kaintekateka, ae au kainiwene,
4 N na aki kariaia matau bwa a na matu,
Ke kunin matau bwa a na nimatutu
5 Ni karokoa ae e reke irou ana tabo Iehova,
Ae te tabo ni maeka* ae raoiroi ibukin Teuare Mwaaka ae Atuan Iakoba.”+
8 Ko na teirake ngkoe ae Iehova bwa ko na nakon am tabo ni motirawa,+
Ngkoe ma te Ati are ko kabongana ni kaota iai korakoram.+
9 A bia kunnikaiaki am ibonga* n te raoiroi,
Ao a bia takarua ni kimwareirei am aomata aika kakaonimaki ni koaua.
11 E a tia Iehova n taetae n tuea nakon Tawita,
E na bon aki rairakinako man ana taeka are kangai:
12 Ngkana a teimatoa natim ni kawakin au berita,
Ma au kauring aika I reireinia,+
Ao natiia naba
A na tekateka i aon te kaintokanuea n aki toki.”+
14 “Bon au tabo ni motirawa aei n aki toki,
N na maeka ikai+ bwa bon aei ae I tangiria.
15 N na kabatiaa kakabwaiaana n te amwarake,
N na kanuaiia n te kariki, kaaina aika maiu ni kainnano.+
16 N na kunnikainia ibongana n te kakamaiu,+
Ao a na takarua ni kimwareirei aomatana aika kakaonimaki ni koaua.+
17 N na karikirakea ikanne korakoran* Tawita.
I a tia ni katauraoa te taura ibukin teuare au kabiraki.+
18 N na kunnikainia n te kamaamaeaki akana kairiribai nakoina,
Ma e na maiureirei te baunuea are i aon atuna.”+