Itaia
62 N na aki teimatoa ni kainabwabu ibukin Tion,+
Ao N na teimatoa ni kakammwakuri ibukin Ierutarem,
Ni karokoa ae e ootanako raoiroin neiei n aron te oota ae takiakia,+
Ao e ura kamaiuana n aron te oi.+
Ao ko na aranaki n te ara ae boou+
Ae e na katokaa oini win Iehova.
3 Ko na riki bwa te baunuea ae tamaroa i bain Iehova,
Ao te bwara n uea ae te kunnikai i nanoni bain Atuam.
4 Ko na aki manga aranaki bwa te aine ae kitanaki,+
Ao e na aki manga aranaki abam bwa e kamaroaeaki.+
Ma ko na aranaki bwa “I Rangi ni Kimwareirei Iroun Neiei,”+
Ao e na aranaki abam bwa “Neie e a Tia ni Mare.”
Bwa e na rangi ni kimwareirei Iehova iroum,
Ao e na riki abam bwa kaanga te aine ae e a tia ni mare.
5 Bwa n aron te rorobuaka n ataei ae mare ma te aine ae tuai ni boo ma te mwaane,
Ao a na mare naba natim mwaane ma ngkoe.
E na kimwareirei Atuam iroum
Ni kimwareirein te tia mare te mwaane iroun te tia mare te aine.+
6 I mwiokoiia taan tantani i aon nako am oo ngkoe ae Ierutarem.
A riai n teimatoa n aki kainabwabu ni kabongnga ao ni kangainaa.
Tai motirawa
Ngkami aika kam tataekina Iehova,
7 Ao tai anganna te motirawa teutana ni karokoa ae e katea Ierutarem ni kamatoaa,
Eng, ni karokoa ae e karika neiei bwa te bwai ni kamoamoaaki n te aonnaba.”+
8 E a tia Iehova ni berita n te taetae n tuea ni baina ae te atai, n anganibaina ae korakora, ni kangai:
“N na aki manga anga am uita* bwa kanaia taani kairiribai nakoim,
Ao a na aki naba moi ianena n am wain ae boou are ko korakai ni mwakuria.+
9 Ma a na kanna te koraki ake a ikotia, ao a na karaoiroa Iehova,
Ao a na moi iai te koraki ake a rikoi, i nanon au katawanang aika tabu.”+
10 Rinanoni mataroan te oo, rinanona.
Kamwawaa kawaia aomata.+
Karaoa te kawai ae totouaki, karaoia.
Kanakoi atibu mai iai.+
Katea te kanikina* ibukia botannaomata.+
11 Noria! E katanoataa ae kangai Iehova nako tabon nako aonnaba:
“Kangai nakon natin Tion te aine,
‘Noria! E a roko kamaiuam.+
Noria! E mena ana kaniwanga irouna,
Ao e mena i matana te boo are e kabwakaa.’”+