Taian Areru
Te Anene n Ararake.
123 I euti matau nakoim,+
Ngkoe ae ko tekateka n te kaintokanuea i karawa.
2 N aroni mataia tooro n taraa bain aia toka,
Ao matan te toro ae te ateiaine nakoni bain ana toka te aine,
Ao ai aron naba matara n taraa Iehova ae Atuara+
Ni karokoa ae e akoira.+
3 Ko na akoira, ngkoe ae Iehova, ko na akoira,
Bwa e rangi ni korakora kabuakakaara.+
4 E rangi ni korakora bwainingareara irouia akana onimakinia i bon irouia,
Ao aia kabuakaka akana kainikatonga.