Amota
1 Aikai ana taeka Amota* are mena i buakoia taan tararuaiia tiibu ake mai Tekoa,+ are e karekea n te miitara ni kaineti ma Iteraera n ana bong Utia+ are Uean Iuta ao n ana bong Ieroboam+ are natin Ioaati,+ are uean Iteraera, uoua te ririki imwain te mwaeiei.+ 2 E taku:
“E na bekorara Iehova mai Tion,
Ao e na kanenea bwanaana mai Ierutarem.
A na nanokawaki aia tawaana taani kawakintiibu,
Ao e na mwautakataka taubukini Karemera.”+
3 “E kangai ana taeka Iehova,
‘“Ibukin ana karitei* Tamateko aika tenua, ao ibukin aua, N na aki rairaanako karekeani kaina,
Ibukina bwa a kaaki kunin Kireata n te kaa ni kaaki kun ni uita ae te biti.+
4 Mangaia ae N na kanakoa te ai nako aon ana auti Atiaera,+
Ao e na kabueki ana taua Benataata aika nonoaki.+
5 N na otei kaini kamatoaani mataroan oon Tamateko,+
N na kamaunaia kaaina mai Bikataawen
Ao teuare tautaeka* mai Betaeten,
Ao a na nako kaain Turia bwa taenikai nako Kiri,”+ bon ana taeka Iehova.’
6 E kangai ana taeka Iehova,
‘“Ibukin ana karitei Kaata aika tenua,+ ao ibukin aua, N na aki rairaanako karekeani kaina,
Ibukina bwa a kairiianako te koraki n taenikai ni kabane+ n anga nakoia I-Etom.
7 Mangaia ae N na kanakoa te ai nako aon ooni Kaata,+
Ao e na kabueki tauan neiei aika nonoaki.
8 N na kamaunaia kaaina mai Atoto+
Ao teuare tautaeka* mai Atikeron,+
N na raira baiu n ekaanako Ekiron,+
Ao a na mate nikiraia I-Biritia,”+ bon ana taeka te Uea ae Moan te Rietata ae Iehova.’
9 E kangai ana taeka Iehova,
‘Ibukin ana karitei Turo aika tenua,+ ao ibukin aua, N na aki rairaanako karekeani kaina,
Ibukina bwa a anga te koraki n taenikai ni kabane nakoia I-Etom,
Ao ibukina bwa a aki uringa te berita n itaritari.+
10 Mangaia ae N na kanakoa te ai nako aon oon Turo,
Ao e na kabueki tauan neiei aika nonoaki.’+
11 E kangai ana taeka Iehova,
‘Ibukin ana karitei Etom aika tenua,+ ao ibukin aua, N na aki rairaanako karekeani kaina,
Ibukina bwa e kaea oin tarina ma te kabaang,+
Ao ibukina bwa e rawa ni kaota te nanoanga,
Ao e teimatoa n raebitia naakai n unna n akea motirawana,
Ao e bon teimatoa naba n rangi ni maraki nanona irouia.+
13 E kangai ana taeka Iehova,
‘“Ibukin aia karitei tibun Ammon aika tenua,+ ao ibukin aua, N na aki rairaanako karekeani kaia,
Ibukina bwa a bwenai birotoia aineni Kireata aika bikoukou bwa a na karaababai riki aia aono.+
14 Mangaia ae N na kauraa oon Rabaa+ n te ai,
Ao e na kabueki tauan neiei aika nonoaki,
Ma te takakaa ni buaka ni bongin te buaka,
Ma te ukeukennanti ni bongin te angibuaka.
15 Ao ane e na irinako aia uea bwa te taenikai n ikotaki ma ana aomata aika tooka,”+ bon ana taeka Iehova.’