Taeka N Rabakau
21 Nanon te uea kaanga ai aron taiani karaanga n ran i nanoni bain Iehova.+
E karangaa nakon te tabo are E tangiria.+
3 E kukurei riki Iehova ni karaoan ae eti ao ae riai
Nakon te angakarea.+
4 Bon te bure maata aika kainikatonga ao te nano ae kamoamoa,
Bwa bon te taura ae kairiia akana buakaka.+
5 A na bon nakoraoi* ana babaire te aomata ae mwakuri korakora,+
Ma a na boni karako aia bwai aomata ni kabane aika taenoa.+
6 Karekeani baika kakawaki rinanon te newe ae kewekewe
Kaanga ai aron te aoi ae tabe ni mauna, ae te bwai ni kamwane ae kamamate.*+
7 A na taeakinako akana buakaka n iowawaaia,+
Bwa a rawa ni bwaina te kaetitaeka ae riai.
8 E bwaoua kawain te aomata ae reke n te bure,
Ma e eti ana mwakuri te aomata ae itiaki.+
9 E raoiroi riki te maeka i maninganingan taubukin te auti,
Nakon te maeka n te auti teuana ma te buu te aine ae kakauntaeka.*+
10 E bwarua te bwai ae buakaka te aomata* ae buakaka,+
Ao e aki kaotiota te akoi nakon raona n aomata.+
11 E wanawana ane e roo nanona ngkana e katuuaaeaki te tia bwainingare,
Ao e reke ana atatai* ane e wanawana ngkana e anganaki te ataibwai.+
12 E tarataraa ana auti ane e buakaka Teuare Raoiroi,
Ao e kabwakaia akana buakaka bwa a na kabuanibwai.+
13 Ane e kaini taningana nakon tangin ane e mangori,
Ao ane e na manga wewete ao e na aki kaekaaki.+
14 E kakerikaaka te un te bwaintangira ae raba,+
Ao e kakerikaaka te un ae rangi ni korakora te bwai ni kamaraato ae raba.*
15 E kakimwareirei bwainan te kaetitaeka ae riai iroun ane e raoiroi,+
Ma bon te bwai ae kakamaaku irouia akana kakaraoa ae buakaka.
16 Te aomata ae tiotionako mani kawain te ataibwai,
E na motika rawana i buakoia te koraki aika akea korakoraia bwa a mate.+
17 Ane e tatangiria ni kakukureia* ao e na boni karako ana bwai,+
Ao e na aki kaubwai ane e taatangira te wain ma te oera.
18 Bon te kaboomwi ane e buakaka ibukin ane e raoiroi,
Ao e na anaaki ane e mwamwanaa te aba bwa oneani mwin ane e raoiroi.+
19 E raoiroi riki te maeka n te rereua
Nakon te maeka ma te buu te aine ae kakauntaeka* ma ni kamarakinano.+
20 A kuneaki baika rangi ni kakawaki ao te bwaa n ana auti ane e wanawana,+
Ma e na bakataea* te bwai are e reke irouna te aomata ae nanobaba.+
21 Ane e ukoukora te raoiroi ma te tangira ae koaua,*
Ao e na reke irouna te maiu, te raoiroi, ao te karineaki.+
22 E kona n tamwarakea* aia kaawa akana korakora te aomata ae wanawana,
Ao e kamangora te korakora are a onimakinna.+
24 E aranaki te aomata ae aki tarabwai ni kan rarabakau
Bwa te tia kamoamoa ae kainikatonga ae kan rarabakau.+
25 E na mate te aomata ae taningaroti n te bwai ae e bwaruia,
Bwa a rawa ni mwakuri baina.+
26 E kabongnga n nanonrang n te bwai ae e bwaruia,
Ma ane e raoiroi e anganga n akea te bwai ae e taua.+
27 E riribaaki aia angakarea akana buakaka.+
Ao ai batira riki ribaakina ngkana e anga ma te nano ae buakaka!*
30 Bon akea te wanawana, ke te ataibwai, ke te reirei ni kairiri, ae kona ni kaitaraa Iehova.+