Ieremia
10 Ongora ngkami aika tibun Iteraera, n te taeka ae e taekinna Iehova n ekingkami nako. 2 E kangai ana taeka Iehova:
“Tai reireiningkami kawaia natannaomata,+
Ao tai maakunrang n taiani kanikina aika i karawa,
Ibukina bwa a maakunrang iai natannaomata.+
3 Bwa aia katei botannaomata bon tii baika kewe.*
Bon tii te aroka n te buakonikai ae koreaki ni kabwakaaki,
Ao e karaoaki ni bain te tia karaobwai ma ana bwai ni mwakuri.*+
4 A katamaroaa n te tirewa ma te koora+
Ao a kamatoaa n te aama ao n taian neera, bwa e aonga n aki bwaka.+
5 Titeboo bouannanti akanne ma katotongan te aomata ae mena n te tawaana ni kukambwa, aika a aki kona n taetae.+
A riai n uouotaki bwa a aki kona n nakonako.+
Tai maakuia bwa a aki kona ni karaoa ae karuanikai,
Ao a aki naba kona ni karaoa te raoiroi teutana.”+
6 Bon akea temanna ae ai arom ngkoe ae Iehova.+
Ko kakannato ao e kakannato naba aram ao e mwaaka.
7 Antai ae e nang aki maakuko ngkoe ae aia Uea natannaomata?+ Bwa bon anne te aro ae riai.
Ibukina bwa bon akea naba temanna ae ai arom
I buakoia aomata ni kabane aika wanawana aika i buakoia natannaomata, ao i buakon aia tautaeka n uea ni kabane.+
8 A bane n ronnano ao n nanobaba.+
Bon tii te bwai ae kewe* te kaetieti ae reke man te bouannanti ae te kai.+
9 A kaoaki mai Taretiti+ tirewa aika kammaniaki, ao mai Ubati taiani koora,
Ae a kabongana taani karaobwai aika mwaatai ao taani mwakuria te biti n rabuna iai te kai.
Ao aomata a kunnikainia bouannanti aikai n te karai ae buruu ao n te karai ae beboo ae buraen te tiibu.
A bane ni karaoaki irouia taani mwakuri aika mwaatai.
10 Ma bon te Atua ni koaua Iehova.
Bon te Atua ae maiu+ ao te Uea ae akea tokina.+
E na mwaeiei te aonnaba ibukin unna,+
Ao akea natannaomata aika a na teimatoa ngkana e un.
11 * Aio te bwai ae kam riai n taekinna nakoia:
“A na mauna man te aonnaba ao mai aani karawa
Atua aika aki karaoa karawa ma aonnaba.”+
12 Boni ngaia te tia Karaoa te aonnaba ni mwaakana,
Are Teuare katea ni kamatoaa te aba ae maiureirei ni wanawanana,+
Ao e taakina karawa n ana ataibwai.+
13 Ngke e kaongongo bwanaana
Ao a mareburebu raan ake i karawa,+
Ao e karaoi taian nang* bwa a na waerake mai tabon nako aonnaba.+
14 A bane aomata ni karaoi aia waaki ma te ronnano ao akean te atatai.
A na bane ni kamaamaeaki taani mwakuria te biti, ibukin te bouannanti ae kaaraki.+
15 Boni baika kewe,* ae baika karaoaki aika tau ni kakanikoaki,+
A na mauna ngkana e roko aia bong ni katuuaaeaki.
16 Ma e kaokoro Atuan* Iakoba ma baikai,
Bwa boni Ngaia ae karikii bwaai nako.
Ao tibwangana ae te kabanea ni kakawaki bon tibun Iteraera.+
Arana bon Iehova ae Atuaia taanga ni buaka.*+
17 Ikotii am bwabwati mai aontano,
Ngkoe ae te aine ae ko maeka i buakon te karawawataaki.
18 Bwa e kangai ana taeka Iehova:
“Noria ae I a tewenakoia* ni kaotinakoia kaain te aba mai iai n te tai aei,+
Ao N na karaoiia bwa a na rinanon te rawawata.”
19 Ai kananoangara ngai ibukin uruakiu!*+
E aki kona ni mao ikoakiu.
Ao I taku: “Bon aei aorakiu, ao I riai ni kekeiaki iai.
20 E uruakaki au umwanrianna, ao a bane ni motikaki kabaean au umwanrianna.+
A kitanai natiu mwaane ao ai akea.+
Akea temanna ae tiku bwa e na arora au umwanrianna ke ni katei kunnikain au umwanrianna.
Anne bukina ae a aki karaoa iai te bwai teuana ma te ataibwai,
Ao a bane ni maenako aia nanai.”+
22 Kakauongo! Iai te rongorongo! E a roko!
Te rurunga ae korakora man te aba are i meang,+
23 Iehova, I ataia raoi bwa tiaki ana bwai te aomata bairean arona,
Ao tiaki naba ana bwai te aomata kairani maiuna.+
25 Kabwaroa bonon nanom i aoia natannaomata akana kakeako,+
Ao i aoia utu ake a aki taboa aram.