Taeka N Rabakau

13 Te nati ae wanawana e butimwaea ana reirei ni kaetieti tamana,+

Ma e aki ongo n te boaaki* te tia kakaniko.+

 2 E na kana ae raoiroi te aomata man uaan ana taetaenikawai,*+

Ma e bwarua te iowawa ane e mwamwanaa te aba.

 5 E ribaa te kewe ane e raoiroi,+

Ma e uota te kamaamaeaki ao te bwaibwainrang ana mwakuri te aomata ae buakaka.

 6 E kamanoa te aomata ae akea ana bure te raoiroi,+

Ma e kabwakaa te tia bure te buakaka.

 7 Bon iai ane e baka ni kaubwai ma bon akea ana bwai,+

Ao iai ane e baka ni maiu ni kainnano ma bon iai kaubwaina ae rangi ni bati.

 8 Bon te kaboomwi te kaubwai ibukini maiun* te aomata,+

Ma a bon aki naba kakamaakaki* akana maiu ni kainnano.+

 9 E otamwaaka* aia oota aomata aika raoiroi,+

Ma e na kamateaki aia taura aomata aika buakaka.+

10 Te kan rarabakau e tii kairiri nakon te kaiangatoa,+

Ma te wanawana bon aia bwai te koraki ake a ukoukora te taeka n reirei.*+

11 Te kaubwai ae karekeaki n te tai ae waekoa* e na kekerikaaki mwaitina,+

Ma e na ririkirake kaubwain ane e ikoikotii teutana imwin teutana.*

12 E kaaoraka te nano baenikain te bwai ae kariariaaki,*+

Ma bon te kai ni kamaiu reken te bwai ae tangiraki.+

13 Ane e ribaa te kaetieti* ao e na kabwakaa te tuuaa,+

Ma ane e karinea te tua ao e na anganaki kaniwangana.+

14 Ana angareirei* te aomata ae wanawana bon nibwan te maiu,+

Ae e katannakoa te aomata man ana bwai ni kamwane nako te mate.

15 Te ataibwai ae bati e karekea te akoaki,

Ma aroia akana mwamwanaa te aba, e karawawata.

16 E mwamwakuri ma te atatai te aomata ae ataibwai,+

Ma e kaotaraea oin nanobabana te aomata ae nanobaba.+

17 E reke n te kangaanga te tia uataeka ae buakaka,+

Ma e uota te kakamaiu te tia tei ae kakaonimaki.+

18 Ane e kaaki taekan te reirei ni kaetieti ao e na karako ana bwai ma ni kamaamaeaki,

Ma e na karineaki ane e butimwaea kaetakina.*+

19 E kakukurei iroun te aomata* reken te bwai ae tangiraki,+

Ma e rawa te aomata ae nanobaba n tannako man te buakaka.+

20 Ane e nakonako ma akana wanawana ao e na wanawana,+

Ma e na rotakibuaka ane e irekereke ma akana nanobaba.+

21 E kakioia taani bure te kabuanibwai,+

Ma te toronibwai e angania akana raoiroi kaniwangaia.+

22 E katuka tibwangaia tibuna te aomata ae raoiroi,

Ma kaubwain te tia bure e na kaikoaki ibukin ane e raoiroi.+

23 E karikii amwarake aika bati ana tawaana ae kamarauaki te aomata ae maiu ni kainnano,

Ma e kona ni kamaunaaki ana tawaana* n te ribuaka.

24 Ane e kararoaa ana kai* ao e ribaa natina,+

Ma ane e tangira natina ao e taningamarau* n reireinna ni kaetia.+

25 E na amwarake ane e raoiroi ao e na nuai,+

Ma e na akea kanoani biroton ane e buakaka.+