Iobi
7 “Tiaki ai aron te tautoronaki n te beku ae rawawata, maiuia i aon te aba aomata aika mamate,
Ao tiaki n ae ana bong ai aron ana bong te tia mwakuri ae kabooaki ana mwakuri?+
2 N aron te toro, e kariariaa te nuu,
Ao n aron te tia mwakuri ae kabooaki ana mwakuri, e kantaningaa boona.+
3 Mangaia ae I anganaki namwakaina aika akea uaaia,
Ao tibwangau taian tairiki aika karawawata.+
4 Ngkana I wene ao I titiraki ni kangai, ‘N na teirake n ningai?’+
Ma ngkana e a tairaa, ao I nibwara ni karokoa ae e a tabwena mainiku.*
6 A waekoa riki ni bwakanako au bong nakoni mwamwakurini bain te tia raranga,+
Ao a roko n tokia n akea te kantaninga iai.+
8 E na aki manga norai te mata ae norai ngkai,
A na kakaaeai matam, ma ai akea ngai.+
9 N aron te nang ae tabe ni bua ao e maunanako,
Ao ai aron naba te aomata ae ruo rikaaki nakon te Ruanimate* bwa e na aki manga otirake.+
10 E na aki manga okira ana auti,
Ao a na mwaninga taekana kaain ana tabo.+
11 Mangaia ae N na aki taua wiu.
N na taetae ni korakain nanou,
N na ngurengure ni korakoran rawawatau!+
12 Taari ngai ke manin taari ae totoa,
Ngkai ko riai ni katea te tia tantani ibukiu?
13 Ngkana I kangai, ‘E na kabebeteai au kainiwene,
Ao e na buoka kabebetean rawawatau,’
14 Ao ko karurubenebeneai n taiani mii,
Ao ko kakamaakai n taiani miitara,
15 Mangaia ae I* rinea riki ae e na bono ikeu,
16 I ribaa maiuu,+ I aki kan teimatoa ni maiu.
Katukai ma arou, bwa au bong ai aron te ikerake ae tii teuana.+
18 E aera ngkai ko tutuoa ni katoa ingabong,
Ao ni kakataia ni katoatai?+
19 Ko aki kona n tannako mairou,
Ao ni katukai ma arou ni karokoa ae I tia n onga bawareu?+
20 Ngkana I a tia ni bure, ao ko na kangaa n rotakibuaka iai, ngkoe ae te tia Tarataraiia botannaomata?+
E aera ngkai ko a boni mamatanai naba?
I riki bwa te uota ae rawawata nakoim?
21 E aera ngkai ko aki kabwaraa au bure
Ao ni kakeaa au kairua?
Bwa e a kaan te tai ae N na wene iai i buakon te tano,+
Ao ko na kakaaeai, ma ai akea ngai.”