Iobi
9 E kaeka Iobi ni kangai:
2 “Bwa ni koauana I ataia bwa boni ngaia aei.
E na kangaa n eti te aomata ae mamate n ana tangitang ni kaitaraa te Atua?+
3 Ngkana iai ae e kani kauntaeka ma Ngaia,*+
Ao e aki kona ni kaekaa teuana mai buakon Ana titiraki aika teuana tenga.
4 E rabakau nanona ao e korakora mwaakana.+
Antai ae kona ni kaitaraa ao e na aki ikoaki?+
5 E kamwaingi* maunga n akea temanna ae ataia,
Ao e rairi n unna.
6 E kamwaeieiea te aonnaba mani nnena,
N te aro are a a ruru bouana.+
7 E tua nakon taai bwa e na aki oota,
Ao e rabuni ootan taian itoi,+
8 E taakina karawa n tii ngaia,+
Ao e toutoui naoni marawa aika ririeta.+
10 E karaoi baika rangi ni kakawaki ma ni kangaanga ukeraia,+
Ao baika kamimi aika aki kona ni warekaki.+
11 E rirarikiu ao I aki kona n noria,
E rimoau ma I aki kinaa.
12 Ngkana e burita te bwai teuana, antai ae kona n tukia?
Antai ae kona ni kangai nakoina, ‘Tera ae ko karaoia?’+
14 Ai riaira riki ngai ngkana I kaekaa,
Bwa N na rinei raoi au taeka, n au kauntaeka ma ngaia!
15 E ngae ngke I bon eti, ma N na aki kaekaa.+
I tii kona ni bubutii te nanoanga mairoun te tia motika taekau.*
16 Ngkana I weteia, e na kaekaai?
I aki kakoauaa ae e na bon ongo ni bwanaau,
17 Bwa e kamanatuaai n te angibuaka,
Ao e kamwaiti ikoakiu n akea bukina.+
18 E aki anganai au tai n rawea ikeu,
Ao e teimatoa ni kaonai ni baika karawawata.
19 Ngkana e kaineti ma te korakora, ao boni ngaia ae korakora.+
Ao ngkana e kaineti ma te kaetitaeka ae riai, ao e kangai: ‘Antai ae kona ni kateai n te boowi?’*
20 Ngkana I bon eti, ao e kabuakakaai oini wiu,
E ngae ngkana I kateimatoa etin arou,* ao e na bon taekinai naba ngaia bwa I bure.*
21 E ngae ngkana I kateimatoa etin arou,* ma I bon nanokokoraki naba ibukiu,
Ao I rarawa* nakoni maiuu.
22 Bon tii te arona. Anne bukina ae I kangai iai,
‘E kamaunaia aika akea aia bure* ao ai aroia naba aika buakaka.’
23 Ngkana e rina n roko te ieka ao ni karekea te mate n te tai ae waekoa,
Ao e na kakanikoa bwaran nanoia akana akea aia bure.
24 E anga te aonnaba nako nanoni baia akana buakaka,+
Ao E rabuni mataia* taani moti ake iai,
Ma ngkana tiaki ngaia, ao antai?
25 A birimwaaka riki au bong nakon te tia biri,+
A birinako n aki nora te bae raoiroi.
26 A butiraoi n ai aroni booti aika karaoaki man te maunei,
Ao n aroia ikare aika baitii n titiku rikaaki n rawea konaia.
27 Ngkana I kangai, ‘N na mwanuokina ngurengureu,
N na bita moau ao N na kukukurei,’
28 N na teimatoa ni maaku ibukini marakiu nako,+
Ao I ataia bwa ko na atongai bwa I bure.
29 N na bon atongaki bwa I bure.*
Mangaia ae e aera ngkai N na kakorakoraai n akea uaana?+
30 Ngkana I tebokai n ranin te tino,
Ao I kaitiakii baiu n te tobu,*+
31 Ao ane ko na kabwakaai n te mwarua,
N te aro ae a na ribaai naba au kunnikai.
32 Bwa tiaki te aomata n ai arou ae I kona ni kaekaa,
Ke ae I kona n tei ma ngaia n te boowi.+