Taian Areru
Te kaetieti nakon te mataniwi n te anene. Ana anene Tawita.
41 E a kukurei ane e kaota tabeakinan te aomata ae mangori,+
E na kamaiua Iehova ni bongin te rawawata.
2 E na kawakinna Iehova ao e na kateimatoa maiuna.
E na atongaki bwa e kukurei n te aonnaba,+
Ko na aki anga ngaia nakoia akana kairiribai nakoina bwa a aonga ni karaoa ae a tangiria nakoina.+
3 E na kakorakoraa Iehova i aon ana kainiwene n aoraki,+
Ko na tararuaia n ana tai n aoraki.
4 Bwa I kangai: “Iehova, ko na akoai.+
Kamarurungai+ bwa I a tia ni bure nakoim.”+
5 Ma a taekina ae buakaka ibukiu akana kairiribai nakoiu ni kangai:
“E na mate n ningai ao ni mauna arana?”
6 Ngkana e kawarai temanna i buakoia, ao e taetae ni mwamwanaa te aba nanona.
E ikoikotii baika karuanikai bwa e na taekin,
Ao e otinako ma ni kabutianako.
7 A wirikiriki i marenaia te koraki ni kabane aika riribaai,
A bairea te bwai teuana ae buakaka n ekainako iai ni kangai:
8 “E taonakinako n te bwai ae rangi ni buakaka,
Ao ngkai e a bwaka, e na aki manga teirake.”+
9 Te mwaane naba ae raoi ma ngai ae I onimakinna,+
E tabeka bukini waena n ekainako* teuare amwarake ni kanau.+
10 Ma ngkoe ae Iehova, ko na akoai ao kateirakeai,
Bwa I aonga ni katuuaaeia n te baere a karaoia.
11 N na ataia bwa ko kukurei irou n aei:
Ngkana a aki kona akana kairiribai nakoiu n takarua n tokanikai i aou.+
12 Ni kaineti ngkanne ma ngai, ko kateimatoaai ibukin etin arou,+
Ko na kawakinai i matam n aki toki.+
Amen ao Amen.