Taeka N Rabakau
25 Aikai naba ana taeka n rabakau Toromon,+ ake a a manga korei* ana aomata Etekia+ are uean Iuta:
2 Boni karineakin te Atua ngkana e karabaa te bwai teuana,+
Ao karineakia ueea ngkana a nenera te bwai teuana.
3 N aroni karawa ngkai e rietata ao te aonnaba ngkai e nano,
Ao ai aron naba nanoia ueea bwa e aki kona n ukeraki.
4 Kaaki te baareka man te tirewa,
Ao ane e na otinako ma n itiaki raoi.+
5 Kanakoa ane e buakaka mai matan te uea,
Ao ane e na kamatoaaki raoi ana kaintokanuea n te raoiroi.+
6 Tai kamoamoako i matan te uea.+
Ao tai karekea nnem i buakoia akana kakannato,+
7 Bwa e raoiroi riki bwa e na kangai nakoim: “Waerake n nakomai,”
Nakon ae e na kabwainrangko i matan te bwaanuea.+
8 Tai ienikuri n nako n tangitang,
Bwa tera ae ko na karaoia imwina ngkana e a kabwainrangko raom n aomata?+
9 Maroroakina am tangitang ma raom n aomata,+
Ma tai kaota te bwai are ko tuangaki ae aki riai n ataaki,*+
10 Bwa e aonga n aki kamaamaeko ane e ongora,
Ao ko kabutaanako te rongorongo ae aki raoiroi* ae aki kona ni manga kaokaki.
11 N aron aboro aika koora i nanoni bwaene* aika tirewa,
Ao ai aron naba te taeka ae taekinaki n te tai ae riai.+
12 N aron te taabia ae te koora ao te bwai ni katamaroa ae te koora ae raoiroi,
Ao ai aron naba te tia boaa te aba ae wanawana nakon te taninga ae kan ongo.+
13 N aroni mwaitoron te tino n te bongi n tai
Ao ai aron naba te tia uataeka ae kakaonimaki nakoia te koraki ake a kamwanangaa,
14 N aron te nang ma te ang ae akea karauna,
Ao ai aron naba te mwaane ae kamoamoa ibukin te bwaintangira ma e aki anganako.*+
16 Ngkana ko kunea aia karewe manibeeru, ao kana ae bon tau ibukim,
Bwa ngkana ko kanna ni kabatiaa, ao tao ko na mumutaia.+
17 Tai kabatiaa kawaran ana auti raom n aomata,
Bwa e kaawa ni bee iroum ao n ribaiko.
18 N aron te kai n oro ma te kabaang ao kanoan te kainikatebe ae kakang,
Ao ai aron naba te aomata ae kaotioti ni kewe ni kaitaraa raona n aomata.+
19 N aron te wi ae maibi ke te wae ae nimamate
Ao ai aron naba onimakinan te aomata ae aki kona n onimakinaki,* n tain te kangaanga.
20 N aron te aomata ae buuta kunnikaina n te bong ni kamwaitoro,
Ao n aron te beneka* ae kabwaroaki i aon te taoro,*
Ao ai aron naba ane e anenei kuuna nakon te nano ae rawawata.+
21 Ngkana e baki ane e kairiribai nakoim* ao anganna te kariki bwa e na kanna,
Ao ngkana e taka ao anganna te ran bwa e na moi iai,+
22 Bwa ko ikoikotii iai mwaakaro n ai i aon atuna,*+
Ao e na bon anganiko kaniwangam Iehova.
23 E uota te karau te angimeang,
Ao te newe ae winnanti e uota te mata n un.+
24 E raoiroi riki te maeka i maninganingan taubukin te auti
Nakon te maeka n te auti teuana ma te buu te aine ae kakauntaeka.*+
25 N aron te ran ae mwaitoro nakon te aomata* ae bwatakataka,
Ao ai aron naba te rongorongo ae raoiroi man te aba ae raroanako.+
26 N aron te koburake n ran ae bokaboka ao te mwanibwa ae uruaki,
Ao ai aron naba te aomata ae raoiroi ae ira nanon* ane e buakaka.
27 E aki raoiroi kabatiaani kanakin aia karewe manibeeru,+
Ao e aki naba karineaki ane e ukera oini karineana.+
28 N aron te kaawa ae uruaki ae akea oona,
Ao ai aron naba te aomata ae aki kona n taua unna.+