Taeka N Rabakau
1 Ana taeka n rabakau Toromon+ ae natin Tawita,+ ae uean Iteraera:+
2 Ibukini karekean* te wanawana+ ao te reirei ni kaetieti,
Bwa e aonga n reke te ota n taeka aika kawanawana te aba,
3 Ao e aonga n reke te reirei ni kaetieti+ ae anga te ataibwai,
Te raoiroi,+ te motikitaeka ae raoiroi,*+ ao te eti,*
4 Bwa e na anga te ataibwai+ nakon ane e roo nanona,
Ao e na anga te atatai ma te konabwai n iaiango raoi nakon te rorobuaka n ataei.+
5 E kakauongo te aomata ae wanawana ao e butimwaea te reirei ae bati riki,+
Ao te aomata ae ataibwai e reke irouna te kairiri mairoun te aomata ae mwaatai,*+
6 Bwa e aonga n ota n te taeka n rabakau ao n te taeka ae raba nanona,*
Ma aia taeka aomata aika wanawana ao aia kamwaninga.+
7 Maakakin* Iehova boni moan rikin te atatai.+
Bon tii aika nanobaba aika ribaa te wanawana ma te reirei ni kaetieti.+
10 Natiu, ngkana a kataia taani bure n anaa nanom, ao tai kariaia.+
11 Ngkana a kangai: “Nakomai irira.
Ti na karan bwa ti na katutua te raraa.
Ti na wene ni karabaira n tataningaiia aomata aika akea aia bure.
12 Ti na kabwautiia ngkai a maiu n aron ae e karaoia te Ruanimate,*
Ni kabwautiia ni kabwaninia, n aroia akana ruo rikaaki nakon te mwarua.
13 Ti na taui aia bwai ni kabane aika rangi ni kakawaki,
Ti na kaoni ara auti ni bwaai ni kuri.
14 Ko riai n raonira,
Ao ti na bane ni kaboraoi tibwara ni baike ti iraei.”*
15 Natiu, tai iriia.
Kararoai waem mani kawaia,+
16 Bwa a biribiri waeia nakoni karaoan te buakaka,
A waetata nakon te katuturaraa.+
17 E boni matebuaka taakinan te karaun i matan raoi te mannikiba.
18 Anne bukina ae a kakaran naakai bwa a na katuturaraa,
A wene ni karabaia bwa a na anai maiuia* aomata.
19 Akanne bon aroia akana ukera te raka ae reke n te babakanikawai,
20 E tang n takarua te wanawana ni koaua+ i nanon te kawai.+
E teimatoa ni kanenea bwanaana ni maraen nako te kaawa.+
21 E wewete man tutani kawai aika rangi n totouaki.
Ao e taekina ae kangai ni mataroan oon te kaawa:+
22 “Maanra ngkami aika kam ronnano n tangira te ronnano?
Ao maanra ngkami aika taani bwainingare ni kukurei n te bwainingare?
Ao maanra ngkami aika kam nanobaba n ribaa te atatai?+
Ao N na kabwaroa i aomi korakorani wanawanau,
N na kaotii au taeka nakoimi.+
24 Ibukina bwa I wewete ao kam teimatoa n rawa,
I arora baiu ma akea temanna ae mutiakinna,+
25 Kam teimatoa ni katinanikui au taeka n reirei ni kabane
Ao n rawa nakoni boaakimi irou,
26 N na ngarengare naba ngkana e bwakaringkami te kabuanibwai,
N na kakaniko ngkana e roko te bwai ae kam maakunrang iai,+
27 Ngkana e roko te bwai ae kam maakunrang iai n ai aron te angibuaka,
Ao ngkana e roko iroumi te kabuanibwai n ai aron te ukeukennanti,
Ao ngkana e roko i aomi te rawawata ma te kangaanga.
28 N te tai anne, a na teimatoa ni weweteai ma N na aki kaeka,
A na ingainga n ukoukorai ma a na bon aki kuneai,+
29 Ibukina bwa a ribaa te atatai+
Ao a aki rinea ae a na maaka Iehova.+
30 A rawa nakon au taeka n reirei.
A aki karinei boaakia ni kabane irou.
32 A na mate aika ronnano ibukin aroia n titibanako,
Ao a na mauna aika nanobaba n aia aki muti.