Itaia
10 A na reke kaia te koraki aika katei kaetieti aika karuanikai,+
Aika kokorei tuua aika karawawataa te aba,
2 Bwa a na aki butimwaei aia tangitang akana maiu ni kainnano,
Ao n taua te kaetitaeka ae riai mairouia akana mangori i buakoia au aomata,+
Ni karaoiia aine ake a a tia ni mate buuia bwa konaia,
4 Bon akea riki, ma e na tii wene ni baraaki te aomata i buakoia aomata aika taiani bure,
Ke ni bwaka i buakoia akana kamateaki.
E bon aki rairakinako unna ibukini baikai ni kabane,
Ma e teimatoa n aroraki baina bwa e na oro.+
6 N na kanakoa teuanne bwa e na ekaanako te natannaomata ae tannako man te koaua,*+
Ao N na tua nakoina bwa e na ekiianako aomata aika rangi ni kaunai,
Bwa e na anai kokona aika bati ao bwaai ni kuri aika bati,
Ao n toutouia n aroni bokabokan taiani kawai.+
7 Ma tiaki anne nanon teuanne
Ao e na aki babaire nanona n ai aron anne.
Bwa bon nanona ni kani kakamauna,
Ma ni kamaunaia natannaomata aika bati, ao tiaki tii tabeua.
8 Bwa e taku,
‘Tiaki bon ueea ni kabane au toka?+
9 Tiaki Kareno+ bon aekakini Karekemiti?+
Tiaki Amata+ bon aekakin Arebata?+
Tiaki Tamaria+ bon aekakin Tamateko?+
10 E a tia baiu n taui tautaeka n uea aika taromaurii atua aika akea manenaia,
Ake a bati riki aia bouannanti aika kaaraki nakon ake i Ierutarem ao i Tamaria!+
11 Tiaki N na karaoa naba nakon Ierutarem ma ana bouannanti,
Aron naba are I karaoia nakon Tamaria ao nakoia atuana ake akea manenaia?’+
12 “Ngkana e tia ana mwakuri ni kabane Iehova i aon te Maunga ae Tion ao i Ierutarem, ao E* na katuuaaea uean Aturia ibukina bwa e akiako ao e kainikatonga.+ 13 Bwa e taku,
‘N na karaoa aei ni korakorani baiu
Ao ni wanawanau, bwa I boni wanawana.
N na kanakoi tiaia botannaomata+
Ao ni kuribwaia kaubwaia,+
Ao N na kataenikaiia kaaina n aron te aomata ae korakora.+
14 E na taui kaubwaia botannaomata baiu,
N aron te aomata ae kaenakoa baina nako nanon te ngao,
Ao N na ikota te aonnaba ni kabutaa
N aron te aomata ae ikotii bunnimoa aika kitanaki!
Akea ae e na manga karobarobai baina ni kiba ke ni kaurea wina ke n tangitang.’”
15 Te koaua bwa e na karietataa i bon irouna te tanai i aon te aomata are tatai bwaai iai?
Te koaua bwa e na karietataa i bon irouna te tao i aon te aomata are e tao iai?
E kona te kai ni katiotioa te aomata are e tabekia?+
Ke e kona te oko n tabeka te aomata ae aki karaoaki man te kai?
16 Ai ngaia are te Uea ae koaua ae Iehova ae Atuaia taanga ni buaka,*
E na oreiia n te bakitaia ana aomata teuanne aika marika,+
Ao e na kauraa te ai ni kabueka karinean teuanne mai aana.+
E na kaurai ao ni kabueki ana uteute teuanne ao arokana aika kateketeke n tii tebongina.
18 E na boni katiaa aron tamaroan ana buakonikai teuanne ma ana tabo are a unikaki iai kainnamwarake.
E na riki bwa ai aron te aomata ae aoraki ae e a mamaara.+
19 A na bon rangi ni karako nikiran aroka n ana buakonikai teuaei
N te aro are e a kona te teei ae te mwaane ni korei mwaitiia.
20 N te bong anne ao nikiraia tibun Iteraera
Ao naake a reke maiuia ake tibun Iakoba,
A nang aki manga mwiokoiia i aon teuare oreiia,+
Ma a na mwiokoiia i aon Iehova,
Are Teuare Tabu iroun Iteraera, ma te kakaonimaki.
21 E na tii oki te nikira,
Aika nikiraia tibun Iakoba, nakon te Atua ae Mwaaka.+
22 Bwa e ngae ngke am aomata aika tibun Iteraera
Kaanga ai aron tanoni biken taari,
Ma e na tii oki nikiraia.+
23 Eng, te kamaunanakoaki are motikaki iroun te Uea ae Moan te Rietata ae Iehova ae Atuaia taanga ni buaka,
E na karaoaki n te aba ni kabutaa.+
24 Mangaia ae e kangai ana taeka te Uea ae Moan te Rietata ae Iehova ae Atuaia taanga ni buaka: “Au aomata aika kam maeka i Tion, tai maaka te I-Aturia are ororeingkami ngkoa n te kai+ ao n tabeka okona n ekingkami nako, n aron are e karaoia Aikubita.+ 25 Bwa ai tii teutana riki ao e nang roko n tokina te motikitaeka, ao a nang kamaunaaki+ n uniu. 26 E na katioa te kai ni kataere Iehova ae Atuaia taanga ni buaka ni kataerea teuanne,+ n aron are ngke e kataenikaia Mirian n te bwaa are Ooreba,+ ao e na mena okona i aon taari, ao e na tabekiarake n aron are e karaoia nakon Aikubita.+
27 N te bong anne ao e nangi nako uotan teuanne mai aon angam,+
29 A riaon te kaora,
Ao a tiku i Keeba+ n te tairiki,
Ao e rurubenebene Rama ao e birinako+ Kibea+ are ana kaawa Tauro.
30 Takarua ao takakaa ngkoe ae natini Karim te aine!
Kakauongo ngkoe ae Raitia!
Ai kananoangara ngkoe ae Anatota!+
31 E birinako Matemena,
Ao a ukoukora te tabo ni katantan kaaini Kebim.
32 E na toki i Nobo+ ni bon te ngaina naba anne.
E kateitea ana timoi nakon ana maunga natin Tion te aine,
Ae te tabuki are i Ierutarem.
33 Noria! E a tatai ni kabwakai mwaanga ma te karongoa ae korakora
Te Uea ae koaua ae Iehova ae Atuaia taanga ni buaka.+
A koreaki ni kabwakaaki aroka aika taiani kabanea n rietata,
Ao a karinanoaki akana karietataaki.
34 E orei ni kabwakai buakoako ake n te buakonikai n te bwai ni mwakuri ae te biti,*
Ao e na bwaka Rebanon iroun te aomata ae korakora.