Taeka N Rabakau
4 Natiu, kam na ongora n ana reirei ni kaetieti tamami.+
Ao kakauongo bwa kam aonga n ataibwai,
2 Bwa N na anganingkami te kaetieti ae raoiroi,
4 E reireinai tamau ao e taku: “E bia taui ni kamatoai au taeka nanom.+
Kawakin au tua ao e na abwabwaki maium.+
5 Karekea te wanawana ao karekea te ataibwai.+
Tai mwanuokina te bwai ae I taekinna ao tai rairakinako mai iai.
6 Tai kaaki taekana ao e na kamanoko.
Tangiria ao e na kawakiniko.
7 Te bwai ae te kabanea ni kakawaki* bon te wanawana,+ mangaia ae karekea te wanawana,
Ao i buakoni bwaai ni kabane akana ko karekei, karekea naba te ataibwai.+
8 Iangoia bwa te bwai ae kakawaki, ao ane e na karietatako.+
E na karineko ibukina bwa ko mwaneia.+
9 E na katokaa te bau ae tamaroa i aon atum,
Ao e na katamaroako n te baunuea ae rangi n raoiroi.”
10 Ongora natiu, ao butimwaei au taeka,
Ao a na kabatiaaki am ririki ni maiu.+
12 E na aki tutukaki nakonakom ngkana ko nakonako,
Ao ko na aki tatanako ngkana ko biri.
13 Taua te reirei ni kaetieti, ao tai kanakoa.+
Kawakinna bwa boni maium.+
14 Tai rinnako ni kawaia akana buakaka,
Ao tai nakonako ni kawaia aomata aika iowawa.+
16 Bwa a aki kona ni matu ni karokoa ae a karaoa ae buakaka.
E aki kona n reke matuia ni karokoa ae a kabwakaa temanna.
17 Bwa te buakaka ao te iowawa
Kaanga ai aron te kariki ao te wain irouia.
18 Ma kawaia akana raoiroi kaanga ai aron ootan te ingabong ae otamwaaka,
Ae ririkirake n oota ni karokoa ae tawanou.+
19 Kawaia akana buakaka kaanga ai aron te rotongitong,
Ao a aki ataa te bwai ae a tatanako iai.
20 Natiu, kakauongo nakon au taeka,
Ao ongora raoi* nakoni baika I taekin.
21 Tai katannakoi matam mani baikai,
Kawakin i kabin nanom,+
22 Bwa bon te maiu baikai nakoia akana kunei,+
Ao te marurung nakon rabwataia.*
23 E kakawaki riki kawakinan nanom nakoni bwaai ni kabane aika ko kawakin,+
Bwa a otinako mai iai nibwan te maiu.
24 Kanakoa mairoum te taetaenikawai ae kewekewe,+
Ao kararoaa mairoum te taetae ae mwamwanaa te aba.
27 Tai rairaki nakon te angaatai ke te angamaing.+
Kararoaa waem man te bwai ae buakaka.