Taeka N Rabakau
6 Natiu, ngkana ko a tia ni kariaia bwa ko na tabena kabwaraan ana taarau raom n aomata,+
Ke ngkana ko a tia n iobai* ni boraraoi ma te ianena,+
2 Ngkana ko a tia ni mwane n am berita,
Ni mwane n ana taeka wim,+
3 Karaoa aei natiu, ao ko na inaomata,
Bwa ko a bwaka nako nanoni bain raom n aomata:
Naako kananorinanoko ao bubutiia raom n aomata.+
4 Tai kariaia matam bwa a na matu,
Ke kunin matam bwa a na nimatutu.
5 Kainaomatako n aron te katere* mai bain te tia kaeman,
Ao n aron te mannikiba mai bain te tia kamwaneia mannikiba.
6 Naako nakon te kinnongo, ngkoe ae ko taningaroti,+
Taratarai arona ao ko na wanawana.
7 E ngae ngke akea ana mataniwi, ana tia kairiri, ke ana tia tautaeka,
8 Ma n tain te tai ao e kakatauraoi kanana+
Ao n ikoikotii baika e rereke mai iai kanana.
9 E na maanra riki wenem ikanne ngkoe ae ko taningaroti?
Ko na teirake n ningai mani matum?
10 Ai tii teutana riki te matu, ai tii teutana riki te nimatutu,
Ai tii teutana riki botani baim ni motirawa,+
11 Ao e a roko naba karakon am bwai n aron te tia kamwarua,
Ao kainnanom n aron te mwaane ae a toamau ana bwai ni buaka.+
12 Anuan te mwaane ae akea uaana ao ae e buakaka, bon te taetaenikawai ae babakanikawai.+
13 E kakeea matana,+ e karaoi kanikina ni waena, ao e kakammwakurii tabonibaina.
15 Mangaia ae e na rina ni kabuanibwai,
Ao e na ruanikai n tii teuana te tekan ao e aki kona ni kamarurungaki.+
16 Iai bwaai aika onoua aika e riribai Iehova,
Eng, bon itiua bwaai aika e* taboribai:
17 Maata aika kainikatonga,+ te newe ae kewekewe,+ ao baai aika katutua raraan te aomata ae akea ana bure,+
18 Te nano ae iangoi babaire aika rangi ni bubuaka,+ ao waae aika waekoa ni biri nakon te buakaka,
19 Te tia kakoaua ni kewe ae tataekini keewe,+
Ao ane e kauekei itabarara i buakoia taari.+
21 Kawakini baikai i nanom n taai nako,
Ao kabaei i roroam.
22 Ngkana ko ririaki ao e na kaiririko,
Ngkana ko wene ao e na tei i etam n tantani,
Ao ngkana ko uti ao e na taetae nakoim.*
23 Bwa te kaetieti bon te taura,+
Ao te tua bon te oota,+
Ao boaakin te aba ma te reirei ni kaetieti bon te kawai nakon te maiu.+
25 Tai mataaiakina tikiraoina i nanom,+
Ao tai kariaia bwa e na anaa nanom ni matana ni kabwakabwaka,
26 Bwa e a kerikaaki kaubwain te mwaane nakon ae tii teuana te kariki, ibukin te aine ae kakabooaki.+
Ma e kamwanea te maiu* ae rangi ni kakawaki te buu te aine ae wewene ni kimoa.
27 E kona te mwaane ni kaaki te ai i aoni bwabwaana ao a aki bue kunnikaina?+
28 Ke e kona te mwaane n nakonako i aon taiani mwaakaro aika bue ao a aki bue waena?
29 Ai bon tii te arona naba ma te mwaane ae wene n taanga ma buun raona,
Ane e ringa neiei e na katuuaaeaki.+
30 A aki ribaa te tia iraa aomata,
Ngkana e iraa bwa e na kanuaia ngkana e baki.
31 Ma ngkana e kuneaki, e na kaboomwi ni kaitiua boona,
Ao e na anga baika kakawaki ni kabane ake n ana auti.+
32 E aki ataa ae riai* ane e wene ni kimoa ma te aine,
Ao e na karokoa te kabuanibwai i aona ane e karaoa anne.+
34 Bwa te kokoo e karika te marakinnano ae bati iroun te buu te mwaane,
Ao e na aki kaota te nanoanga ngkana e karekekai.+
35 E na aki butimwaea te bwai ni kan raoi,*
E na aki kona n raoiakinaki n aki ongeia bwa buburara te bwaintangira are ko karaoia.