Taian Areru
Te kaetieti nakon te mataniwi n te anene: E na raonaki te anene ni bwaai ni katangitang aika iai karaiia i aon te Tieminite.* Ana anene Tawita.
6 Iehova, tai boaai n unim,
Ao tai kaetai n unim ae korakora.+
2 Ko na akoai* Iehova, bwa I a rikirake ni mamaara.
Kamarurungai Iehova,+ bwa a ruru riiu.
5 Bwa n te mate ao ko a aki kona n taekinaki.*
Antai ae e na neboiko n te Ruanimate?*+
6 I nimamate n ikenrawau,+
E maratingo au kainiwene ni kangainaa n rannimatau,
E iekaki au kaintekateka n tangiu.+
7 E mamaara matau ibukin rawawatau,+
E a rikirake ni maabubu* ibukia te koraki ni kabane ake a karawawataai.
8 Naako mairou ngkami ni kabane aika kam kakaraoa ae buakaka,
Bwa e na ongo tangiu Iehova.+
9 E na ongo au bubutii ni kan akoaki Iehova,+
E na butimwaea au tataro Iehova.
10 A na kamaamaeaki akana kairiribai nakoiu ni kabane, ao a na bwara nanoia,
A na kerikaaki bwa a rina ni kabwainrangaki.+