Te Boki Nikawai ae Manena Ibukini Maiura Ngkai
A bati aomata aika karinea te Baibara ibukina bwa bokin te Aro. Ma e aki tii taekini baika irekereke ma te Aro te Baibara. Iai naba iai taeka n reirei aika manena ibukini maiura ni katoabong.
N te katoto, iangoi aia taeka tabeman ake a a tia ni buokaki mani warekan te Baibara ao mani maiuakinan taeka n reirei ake iai.
“E a tamaroa riki maiuu ngkai. E a nakoraoi riki marurungin au iango ao rabwatau. I a kukukurei riki.”—Fiona.
“Man reiakinan te Baibara, I a karekea te kantaninga ae raoiroi, ao e a manena riki maiuu.”—Gnitko.
“E a rangi n nakoraoi riki maiuu ngkai. E a bati riki ngkai au tai ma au utu.”—Andrew.
Iai riki rongorongo aika ai aron aikai. A bati aomata ni katobibia te aonnaba ake a a tia n noria bwa a mwaiti reirei ni kairiri aika manena n te Baibara ibukin te maiu ni katoabong.
Ti na nora ngkai aron te Baibara ni kona ni buokiia aomata ni kanakoraoa riki maiuia ni kaineti ma . . .
Marurungin te rabwata
Marurungin te iango
Te maiu n utu ao te reitaki ma aomata
Te kataumwane
Te onimaki
E na kaotaki ni kaongora aika imwina bwa te Baibara bon tiaki tii bokin te Aro, ma bon te boki ae kona naba ni buokiko ni maium ni katoabong.