MWAKORO 4

Moan Uean Iteraera ni Karokoa te Taenikai i Baburon

E a riki Tauro bwa moan uean Iteraera. Ma e ribaia Iehova, ao e a rineaki Tawita bwa e na onea mwina. A bati rongorongon Tawita ake a karakinaki. Ngke te roro-n-rikirake ngaia ao e buaka ma te aintoa are Koria. Imwina e a manga karabarabaa mairoun te Uea are e babakantang are Tauro. Imwina riki e a manga tukaki man karaoan te mwakuri n nanobaba iroun Nei Abikaira are te botonnaine.

Imwina riki, ao ti a manga reiakina taekan natin Tawita are Toromon, are e onea mwin Tawita n uea i Iteraera. Moan uean Iteraera aika teniman aikai, a kabanea kaka 40 aia ririki n uea. Imwin maten Toromon, ao e a bwenaua Iteraera nakon tautaeka n uea aika uoua. Teuana i meang ao teuana i maiaki.

Te tautaeka n uea ni baronga aika tebwina mai meang, e teimatoa i nanon 257 te ririki, ni karokoa bwakana irouia kaain Aturia. E a manga bwaka te tautaeka n uea ni baronga aika uoua mai maiaki, 133 te ririki imwina. N te tai anne ao a a taenikai tibun Iteraera irouia kaain Baburon. Mangaia are, e rangi ni kakaongoraa rongorongon rimoa ae karakinaki ni Mwakoro AUA, ae riki i nanon 510 te ririki.