E Aera Bwa Ko Riai n Neneri Aaro?

Iangoia bwa aongkoa ko kainnanoa te korokoro ibukin aorakim ae na ruanikai iai maium. Ko bae ni kani karekea moa onimakinan te tia korokoro ngkai e boto maium man ana mwakuri. Tiaki ko wanawana riki ngkana ko neneri rongorongon ana mwakuri?

Ai arona naba bwa ti wanawana ngkana ti neneri raoi Aaro. Ngkana ko mena n te Aro teuana, e taraa n ae e boto maium n taamnei iai. Man neneran aei iroum, e a kona iai n reke te maiu n aki toki.

E anga te kaetieti Iesu bwa ti na buokaki n iangoia bwa e koaua te Aro ae ti mena iai ke e aki. E taku: “A kinaaki kaai nako n uaaia.” (Ruka 6:44) N te katoto, ngkana ko taraa te Aro teuana ke te botaki ae taua te Aro, tera uaana? A kaatuua iangoan te mwane mataniwi n aia Aaro? A tou mwini booto n reirei man te Baibara kaaina ni kaineti ma te buaka ao te aroaro ni maiu ae riai? N tokina, iai ngkanne te Aro ae riai n onimakinaki? Ti kaungako bwa ko na neneri raoi kaongora aikai.