Titiraki Aika Kaekaaki Man Te Baibara

Tera kanoan taai aika a na roko ibukia aomata?

Akea te nanououa bwa e na teimatoa n rikirake rabakauia aomata ni bwain te aonnaba. Ma a kona ni katea te botaki teuana ae kaainaki irouia aomata aika tabeakinia i marenaia? A bon aki. E kairaki te aonnaba ni boong aikai n te bangaomata ao te nanonrang. Ma e ngae n anne, iai ana kantaninga te Atua ae raoiroi riki ibukia aomata.—Wareka 2 Betero 3:13.

E kabwarabwaraaki n Ana Taeka te Atua taekan te botaki teuana n te tai ae na roko ae katobibia te aonnaba ae kaainaki irouia aomata aika itangitangiri i marenaia. A nang maeka aomata ma te mweraoi ao e nang akea temanna ae e na iowawa nakoia.—Wareka Mika 4:3, 4. 

E na kangaa ni kamaunaaki te bangaomata?

E moani karikaki te aomata iroun te Atua n akea te nano ni bangaomata irouna. Ma e kabuaa kororaoina te moan aomata ngke e rineia bwa e na aki ongeaba iroun te Atua. Ti a karekea te nano ni bangaomata mairouna. Ma e ngae n anne, e na kabonganaaki Iesu iroun te Atua ni kaoka maiuia aomata nakon te kororaoi.—Wareka I-Rom 7:21, 24, 25.

E karaoa ae boraoi ma nanon te Atua Iesu ngke e mate bwa te karea ni kaboomwi ao ni kamauna mwin ana aki ongeaba te moan aomata. (I-Rom 5:19) Ibukin anne, e a karekea iai te kantaninga ae kakukurei Iesu ibukin te tai ae na roko ike a nang kainaomataaki iai aomata man te nano ni bangaomata ni karaoan ae bure.—Wareka Taian Areru 37: 9-11.

Ibukin rongorongona riki, nora mwakoro 5 n te boki aei ae boreetiaki irouia Ana Tia Kakoaua Iehova

E reke naba n www.pr418.com