Kanoana
3 A Kukurei n Anga Ngaiia i Ghana
WIKIN AOKATI 29, 2016–TEBETEMBWA 4, 2016
7 Ukoukora te Tautaeka n Uea ao Tiaki Bwaai
E reireinira Iesu bwa ti na ‘ukoukora moa te Tautaeka n Uea’ ao tiaki bwaai. Ti na kangaa n rarawa nakon te bwai ni kamwane ae te mataai ni kanibwaibwai ao ni kabebetei maiura bwa ti aonga n ukoukori baika kakawaki riki aika irekereke ma te tautaeka n uea? Iangoi ana taeka ni kaungaunga Iesu ni mwakoron ana Kabwarabwara i aon te Maunga aika ni Mataio 6:25-34.
WIKIN TEBETEMBWA 5-11, 2016
13 E Aera Ngkai Ti Riai n “Teimatoa n Tantani”?
Ngkai Kristian ngaira, ti riai ni mutiakina ana kaungaunga Iesu ae ti na “teimatoa n tantani” ni kabaneani boong aikai. (Mat. 24:42) Ni karaoan anne, ti riai ni kawakinira mani baike a kona ni kairira bwa ti na aki kamarurungira ao n taratara raoi ni kaineti ma rokon Iesu. E kabwarabwaraaki n te kaongora aei arora n rarawa ni katikakinako man teimatoara n tantani.
WIKIN TEBETEMBWA 12-18, 2016
21 Taani Karekea Ana Akoi ae Rianako te Atua Aika Kakaitau
WIKIN TEBETEMBWA 19-25, 2016
26 Kabutaanako te Rongorongo ae Raoiroi ae Taekan te Akoi ae Rianako
A neneraki ni kaongora aika uoua aikai aanga aika bati ake ti kakabwaiaaki iai man ana akoi ae rianako Iehova. A kabwarabwaraaki naba iai bwa e aera ngkai ti riai ni kairaki n nanora ni kakaitau ae bati bwa ti na kaongoia aomata aroia ni kakabwaiaaki man ana akoi ae rianako Iehova.