Tera ae E Taekinaki n Te Baibara?
Iai te tai ae e na reke iai te kaetitaeka ae riai n te aonnaba?
Tera am Kaeka?
Eng
Akea
Tao eng
Ae e Taekinaki n te Baibara
“I ataia ae e na tei Iehova ibukia akana mangori, ao n anga te kaetitaeka ae riai nakoia akana maiu ni kainnano.” (Taian Areru 140:12) E na uota te kaetitaeka ae riai ni koaua nakon te aonnaba Ana Tautaeka n Uea te Atua.
Tera riki reireiara man te Baibara?
E nora te babakanikawai n te aonnaba ngkai te Atua, ao e na boni katokia.—Te Minita 5:8.
E na uota te rau ao te mweraoi nakon te aonnaba, ana kaetitaeka ae riai te Atua.—Itaia 32:16-18.
E koaua ae te Atua e tangira riki te koraki n aomata teuana nakon are teuana?
A kakoauaa tabeman bwa te Atua e a tia ni kakabwaiaia ke ni karekei kaia koraki n aomata aika kakaokoro, ao tabemwaang a kakoauaa bwa tii te arona aron te Atua nakoia aomata nako. Tera ngkoe am iango?
Ae e taekinaki n te Baibara
“E bon aki inanonano te Atua, ma a butimwaeaki irouna aomata nako aika maakua ma ni kakaraoa ae raoiroi, mai buakoia natannaomata nako.” (Mwakuri 10:34, 35) Titeboo aomata nako iroun te Atua.
Tera riki reireiara man te Baibara?
Iai n te Baibara “te rongorongo ae raoiroi” ibukia “natannaomata nako ao baronga ao taian taetae ao botannaomata.”—Te Kaotioti 14:6.