Kanoana

Ngkana ti namakina ae ti a taonakinako ni kangaanga ni maiura, tera ae ti kona ni karaoia? E maroroakinaki n te kaongora aei ara kibu ibukin te ririki 2018 ao e kaotaki iai bwa e aera ngkai ti riai n angan Iehova ana tai bwa e na kakorakoraira ao e na kangaa ni karaoa anne.

E na karaoaki Kauringaani Mateni Kristo n te Kaonobong, Maati 31, 2018. Ti na kangaa ni katauraoira imwain te tai aei, ti na kangaa ni kakabwaiaaki ni kaeana, ao e kangaa te kauring anne ni buoka reken te katiteuanaaki irouia ana aomata te Atua n taabo nako? Nori kaekaan titiraki aikai n te kaongora aei.

Bwaai ni kabane aika reke iroura, boni mairoun Iehova. Ma e ngae n anne, e kantaningaira bwa ti na kamanena ara mwane ibukini boutokaan te mwakuri n ana botaki ni boong aikai. E na rinanoaki n te kaongora aei bwa bukin tera ngkai ti na karinea Iehova n ara bwai aika kakawaki ao ti na kangaa ni kakabwaiaaki iai.

Te moani kaongora mai buakon aika uoua aikai, e maroroakinaki iai bwa e kangaa ni karekea te kukurei tangiran te Atua, ao tiaki aeka n tangira aika kewe ake a a rangi ni bwainaki ni “kabaneani boong.” (2Tim. 3:1) E kabwarabwaraaki n te kauoua ni kaongora aroaroia aomata ni kabaneani boong aikai, ae rangi ni kaokoro ma aroaroia ana aomata te Atua.