Kaongora

◼ Eberi ao Mei: Te maekatin ae Te Taua-n-Tantani. Ni manga okiraia aomata ake a kan ongora, n ikotaki naba ma te koraki ake a roko n te Kauring ke bobotaki riki tabeua aika karaoaki n te ekaretia, ma aikoa manga bati n iriri ni bobotaki, kaatuua riki moanakin te reirei n te Baibara ma ngaiia ni kabonganaan te boki ae Ana Reirei te Baibara. Tun: Tera Ana Reirei ni Koaua te Baibara? Ngkana e a kaman reke te boki anne irouia kaain te auti, ko kona ngkanne n anga teuana mai buakon te boki ae 192-baana are e a moanna n rotaki baana ke teuana mai buakoni booki aika boreetiaki imwain 1992. Turai ao Aokati: A kona taan uarongorongo ni kamanena teuana mai buakon te boroutia ae 32-baana are e bati n te ekaretia. A riai ni kakorakoraia moa ekaretia ni kabonganai boroutia aika a mena irouia imwain ae a na ootan riki taiani boroutia.

◼ E riai te tia babaire n te rabwata n unimwaane n taraia raoi bwa e na karaoaki ana akaunti te ekaretia ni katoa tenua namwakaina. E riai ni karaoaki aei n Tianuare, Eberi, Turai ao Okitobwa, ao a riai ni kaotaki iai mwin akaunti ibukin namwakaina aika tenua ake mai mwaina. Imwin tuoan te akaunti, e riai ni karaoaki te katanoata ae kimototo n te Botaki Ibukin te Uarongorongo ao n taekinaki iai bwa e a tia n tuoaki te akaunti ao e nakoraoi. Ngkana iai te kangaanga n tain tuoan te akaunti, taiaoka ni kaetia ao ni katanoataa imwina nakon te ekaretia.

◼ A riai moa ni kariaiakaki kaongora ni kabane ibukin te ekaretia iroun te tia babaire n te rabwata n unimwaane. N aron ae boraoi ma te kairiri man ana botaki Iehova ibukin te kaetieti ae boou n ara botaki, a na katekeaki angiini kaongora i aon te baba ni kaongora n oneani mwin are a na warekaki n te Botaki Ibukin te Uarongorongo.