‘Te Bwaintangira i Nanoni Baim Ibukin Iehova’

Ti na kangaa ni “keerake n te bong aei ma te bwaintangira i nanoni [baira] ibukin Iehova”? (1Ro 29:​5, 9, 14) Aikai aanga ake ti kona n anga iai ara bwaintangira mai nanora ni boutokaa iai aia mwakuri Ana Tia Kakoaua Iehova n ara tabo ao ni katobibia te aonnaba.

BWAINTANGIRA RINANON TE INTANETE KE AKE NI BWAOKI NI BWAINTANGIRA A BOUTOKAA:

• 

  TE MWAKURI NI KATOBIBIA TE AONNABA

  katean ao kabutan kateitei n aobiti n tararua ma aobiti n raitaeka ake i aaia

  kuura n reirei n ana botaki Iehova

  naake a kabwanina aia tai n te beku ae okoro

  te ibuobuoki ni kabuanibwai aika karina

  te boreeti, karaoan taamnei, ao bwain ara atureti n te intanete

• 

  ANA KABANEMWANE TE EKARETIA N AM TABO

  ana kabanemwane te ekaretia, n aron te iti ao bwain nako te Tabo n Taromauri ibukini kateimatoaan raoiroina

  kaotinano ake a karaoaki n te ekaretia ibukin te mwane are e na kanakoaki nakon te aobiti n tararua ibukin:

  • katean Taabo n Taromauri ao Taabo ni Botaki Ibukin te Runga ni katobibia te aonnaba

  • te Global Assistance Arrangement

  • mwakuri riki tabeua ni katobibia te aonnaba

BWABWARO AO RUUNGA

Bwaintangira ake a reke n te bwabwaro n am aono a karaaiaki nakon te mwakuri ni katobibia te aonnaba. Ibukin anne, kabanemwane ake a irekereke ma te bwabwaro n aono, bwabwaro aika okoro ao bwabwaro ibukin aaba aika kakaokoro, a bane ni mwanenaki man te mwakuri ni katobibia te aonnaba.

Bwaintangira ake a reke n te runga a kabonganaaki ibukini boon tangoan taabo, kabutan ao kateimatoaan tamaroan taabo n runga, ao kabanemwane riki tabeua ibukin te runga. E kona te aono anne ni baireia bwa e na kanakoa rakan aia bwaintangira nakon aia mwakuri Ana Tia Kakoaua Iehova ni katobibia te aonnaba.