Tarataraiko Mani Kabutinakoani Baika Kewe

E a rangi ni baitii ngkai butinakon te rongorongo teuana nakoia aomata aika mirion ma mirion mwaitiia, rinanoni baika boreetiaki, te rerio, te terewitin, ao ai te Intanete. Naake a taromauria “te Atua ae tataekina te koaua,” a aki kani kabutinakoi rongorongo aika kairua, e ngae naba ngkana a aki koaua iai. (TA 31:5; TO 23:1) Tataekinan te kewe nakoia tabemwaang e kona ni karekea te kangaanga ae bati. Ngkana ko kan ataia bwa e koaua te bwai teuana ke e aki, titirakiniko aei:

• ‘E koaua raoi te rongorongo aei?’ E kona n aki ataa raoi te koaua te aomata are karaki. A kona ni bibitaki rongorongo aika bwabwatinaki mairoun temanna ma temanna, ngaia are taratara raoi ngkana ko aki ataa raoi te koaua. Kioina ngkai a rangi ni karineaki naake iai mwiokoaia n te ekaretia, a riai ngkanne n rangi n taratara raoi riki n tataekinani baika a aki koaua raoi iai

• ‘E uarao te rongorongo aei?’ Ngkana e na kataekanabuakaa te aomata ke te kurubu teuana, e tamaroa riki aki manga tataekinana.​—TNR 18:8; Brb 4:8

• ‘Bon te bwai ae kona n riki?’ Taratara raoi ngkana ko ongo karaki ke rongorongo aika kamimi

MATAKU N TE TAAMNEI AE N NA KANGAA NI KATOKA TE WINNANTI? AO KAEKAI TITIRAKI AIKAI:

• 

  Ni kaineti ma Taeka N Rabakau 12:​18, tera aroni kammarakin te taeka?

• 

  E kangaa I-Biribi 2:4 ni buokira n iaiango n te aro ae riai ni kaineti ma taekinaia tabemwaang?

• 

  Tera ae ti riai ni karaoia ngkana e a moanna ni bitaki karakinan temanna nakoni kakanikoana ke kabuakakaana?

• 

  Imwain taekinaia tabemwaang, baikara titiraki aika ti riai moa n titirakinira iai?