A na Roko n Tokia Kataaki Nako

A kai bwara nanora ni kataakira, moarara riki ngkana a wenemaan. E ataia Tawita bwa kataakina are irekereke ma te Uea are Tauro, e na bon toki n te tai teuana ao e na riki bwa te uea n aron are e beritanna Iehova. (1Ta 16:13) E buokaki n ana onimaki Tawita bwa e na taotaona nanona ao n taningaa Iehova.

Ngkana ti kataaki, ti kona ni bitii baika riki nakoira ngkana ti kamanena ara ataibwai, ara atatai, ke ara konabwai n iaiango. (1Ta 21:​12-14; TNR 1:4) Ma a kona kataaki tabeua n reitinako, e ngae naba ngkana ti a tia ni karaoa ara kabanea ni konaa n aron ae boraoi ma ana kaetieti te Baibara. Ti a riai ngkanne ni bwaina te taotaonakinnano ao n taningaa Iehova. E na boni waekoa ni katoki rawawatara ao ni ‘kaoi rannimatara.’ (Kao 21:4) N aki ongeia bwa ti kabebeteaki man ana ibuobuoki Iehova, ke n aanga riki tabeua, ma te bwai teuana ae ti koaua raoi iai, a na bon roko n tokia kataaki nako. Ti kona ni kabebeteaki n ataakin anne.

MATAKU N TE TAAMNEI AE AOMATA AIKA KATITEUANAAKI N TE AONNABA AE BWENAUA KAAINA, AO KAEKAI TITIRAKI AIKAI:

• Tera aia kangaanga Kristian tabeman ake i Amerika Maiaki?

• A kangaa ni kaotiota te taotaonakinnano ao te tangira?

• A kangaa ni kaatuua aia iango i aoni “bwaai aika kakawaki riki”?​—Brb 1:10