MAIURA NI KRISTIAN
Kaaro—Buokiia Natimi Bwa A na Karekea te Rabakau Are Mairoun te Atua
Te anga ae te kabanea n tamaroa ae a na kona iai kaaro ni buokiia natiia ni karekea te rabakau are mairoun te Atua, bon aroia ni buokiia bwa a na karekei kabwaiaia mani bobotaki ni Kristian. Baike a nori natira, a ongo, ao n taekin n aia kaeka n te bobotaki, a kona ni buokaki iai bwa a na reiakina taekan Iehova, ao n riki bwa raoraona ni kaan. (TTK 31:12, 13) Ngkana te karo ngkoe, ko na kangaa ngkanne ni buoka natim ni karekei reireiana n taai ni bobotaki?
Kabanea am konaa ni kaei bobotaki n te Tabo n Taromauri.—TA 22:22
Karekea am tai ni kaungaunga n te Tabo n Taromauri imwain ao imwin te botaki.—Ebr 10:25
Taraia raoi bwa a na karekei katoton te boki am utu are e na rinanoaki n te botaki, n aki ongeia bwa e boreetiaki ke n te tareboon
Buoka natim bwa e na katauraoa ana reke n oin ana taeka.—Mt 21:15, 16
Taekina raoiroin te bobotaki ao kaetieti ake ko karekei mai iai
Buokiia natim bwa a na ibuobuoki, n aron te kaitiaki n te Tabo n Taromauri ao ni mamaroro ma aika ikawai riki n te ekaretia
E kainnanoaki te mwakuri ae bati ibukini buokaia natim bwa a na kaania Iehova, ao e na bae ni kangaanga n tabetai. E ngae n anne, onimakina ana ibuobuoki Iehova.—Ita 40:29.
MATAKU N TE TAAMNEI AE NGKAI KAARO NGKAMI, ONIMAKINA IEHOVA AO KORAKORANA, IMWINA KAEKAI TITIRAKI AIKAI:
Tera ae riki nakoia Zack ao Leah imwin rotakia n te kua?
E aera ngkai a riai kaaro ni butiia Iehova te korakora?
Baikara aanga ake a onimakina iai Iehova Zack ao Leah ibukini buokaia?