Moantaeka
Ko kani maeka n te aonnaba ae akea iai te buaka ke te tiritiri? A bati aika a iangoia bwa e kakukurei anne ma e aki kona n riki. E oti n te Baibara bukini kabwakaia aomata ni katoka te buaka. E kabwarabwaraa naba arom ni kakoauaa ae e boni kona n reke te rau n te aonnaba ao e na boni waekoa n riki.
N te maekatin aei, a kaineti taeka aika “te buaka” ao “te tiritiri” nakon te buaka i marenaia aaba aika kamanenai aia bwai ni buaka ni kaaitaraia iai i marenaia. A a tia ni bitaki araia tabeman aomata aika mwaneweaki n te kaongora aei.